Muzikë
Muzika gjermane bashkon artistët nga Gjermania, Shqipëria e Afrika e Jugut
Kuinteti i harqeve, i përbërë nga Gloria Gashi dhe Thomas Gautier në violinë, Gareth Lubbe dhe Veit Hertenstein në violë dhe Vlorent Xhafaj në cello, sollën mbrëmjen e djeshme për artdashësit kryeqytetas një koncert në kuadër të “Tetorit gjerman 2021”.
Koncerti, i zhvilluar në sallën “Tonin Harapi”, pranë Liceut Artistik, ishte një bashkim instrumentistësh kalibri nga Shqipëria, Gjermania dhe Afrika e Jugut, të cilët sollën një program me muzikë gjermane të autorëve Mendelsohhn-kuinteti nr. 1, op. 18 në La Mazhor, e kompozitorit bashkëkohor Elmar Lampson- “Passacaglia” për kuartet harqesh dhe Brahms- “Kuintet n.1, op. 88 në Fa Mazhor. Kompozitori Lampson ishte i pranishëm gjithashtu në koncert, transmeton Atsh, përcjell Albinfo.ch.
Akademiku Vasil Tole shprehet për këtë koncert se “në veprën e Mendelsonit, instrumentistët me emocion, me saktësi dhe korrektesë absolute evidentuan energjinë dhe pasionet rinore të Mendelsonit, i cili ishte 17 vjeç kur e shkroi kuintetin e tij në vitin 1836. Në këtë vepër të hershme bie në sy formimi i plotë si kompozitor dhe njohja e thelluar e harmonisë, polifonisë dhe teknikës instrumentale”.
“Tek vepra “Passacaglia” e prof. LAMPSON, (drejtor i konservatorit të Hamburgut dhe kryetar i shoqatave muzikore që mbajnë emrat e Gustav Mahler dhe Alfred Schnitke), bie në sy niveli shumë i lartë i teknikave dhe strukturave kompozicionale të cilat burojnë nga shndërrimi gradual i tingullit dhe harmonisë tonale të valles mesjetare të “Passacaglias”, drejt ngjyrimeve atonale e politonale, kjo përmes mbivendosjeve melodike polifonike dhe teknikës jotradicionale të lojës në instrumentet e harqeve si frazhioleti etj.”, shprehet Tole.
Për akademikun Tole ishte mahnitëse loja e instrumentistëve, të cilët u mundësuan spektatorëve këtë udhëtim tingullor në kohë.
“Kjo vepër e mrekullueshme ka dhe një version me orkestër simfonike. Spektatori e ngjiti në skenë me duartrokitje të nxehta prof. LAMPSON-in, i cili e kishte për të parën herë si vizitën në Shqipëri, ashtu edhe interpretimin e një vepre të tij”, tha Tole.
Koncerti u organizua nga Ambasada Gjermane, Ministria e Kulturës, Bashkia Tiranë, në kuadër të “Tetorit gjerman”.
E-Diaspora
-
Detaje nga rasti kur një shtetas nga Kosova vrau pronarin e biznesit në Dyseldorf Një vrasje me armë zjarri është regjistruar dje në qytetin e Dyseldorfit në Gjermani. Mësohet se...
-
Arnold “The Cobra” Gjergjaj triumfon në luftën e fundit
-
Nju-Jork: Baleti Kombëtar i Kosovës me dy shfaqje
-
Belgjikë: Kori “Siparantum” do të dhuroj paraqitje dinjitoze
-
Çikago: Pianistja Anila Aliu, me koncert recital
Jeta në Austri
-
Katër liqene të bukura, tek të cilat mund të shkoni lehtësisht nga Vjena me transport publik Pranvera është këtu dhe vera është rrugës. Është koha e përsosur e vitit për të vizituar...
-
Sa vite duhet të punoni në Austri që të keni të drejtën e pensionit?
-
Austrian Airlines arrin marrëveshje pagash me punëtorët për të shmangur grevat e reja
-
Katër gjëra që duhet të dini para se të regjistroni fëmijën tuaj në një kopsht fëmijësh në Vjenë
-
A mund të marr përfitime papunësie në Austri nëse jam i vetëpunësuar?