Lajme
Shqetësime milionerësh: Mund t’u trashëgojnë fëmijëve ‘më shumë’ para seç duhet
Personalitete të njohura, si Daniel Craig, apo sipërmarrës si Warren Buffett dhe Kevin O’Leary, nuk janë të vetmit që ndajnë shqetësimin se ekziston mundësia t’u lënë fëmijëve të tyre më shumë para seç duhet pas vdekjes.
Milionerët po merakosen gjithnjë e më tepër se pasardhësit e tyre nuk do t’i meritojnë plotësisht pasuritë e ngritura nga ata prej vitesh.
Këto nuk janë vetëm histori personale, por përfundimet e një studimi të kryer nga kompania e konsulentëve financiarë The Motley Fool, të cilët kryen një sondazh me 2,000 pjesëmarrës – të klasifikuar si individë me të ardhura neto që i kalojnë $1 milionë dollarë – duke i pyetur rreth qëndrimeve që ata mbajnë ndaj trashëgimive.
Mes shqetësimeve kryesore të pjesëmarrësve në sondazh ishte mundësia se mund t’u linin trashëgimtarëve më tepër para seç duhet – që prekte diku rreth 67% të të intervistuarve.
Shqetësime të shumta kishte edhe rreth pasojave që mund të kishte lënia e një trashëgimie kaq të madhe, përfshi mundësinë se kjo pasuri do të mund të “përdorej në mënyrë të papërgjegjshme” apo se ajo “mund t’i shtynte përfituesit të bëheshin dembelë”.
“Përveç se po ndërgjegjësohen gjithnjë e më tepër, këta biznesmenë të suksesshëm po konsiderojnë gjithnjë e më tepër lënien mbrapa të trashëgimive me kushte të cilat kanë qëllim t’i nxisin fëmijët e tyre të marrin mbi vete vlera, të cilat ata i mendojnë të rëndësishme, si orët e gjata të punës, dalja me rezultate të mira në shkollë apo gjetja e një karriere të mirë”, u shpreh Jack Caporal, analist studimesh.
Gjithsesi, pavarësisht shqetësimit të përbashkët rreth sasisë së trashëgimisë që duhet të linin mbrapa, 60% e tyre mendonin se është “shumë e rëndësishme” t’u linin fëmijëve një trashëgimi të bollshme dhe rreth 34% planifikonin t’u linin atyre 50% ose më tepër nga pronat dhe asetet e tyre.
Të ngjashme
Të tjera nga Lajme
E-Diaspora
-
Kush është gruaja që ju flet shqip kur fluturoni me CHAIR? Nga prezantuese në radio, në këngëtare e moderatore e disa emisioneve të njohura, ajo njihet si njëri...
-
Kurti: Diaspora, urë lidhëse për investime direkte
-
Gjestila Mehmetaj, një model frymëzimi për rininë shqiptare në mërgim
-
Kanë mbetur vetëm edhe dy ditë për t’u regjistruar diaspora
-
Merakli t’kerreve: U ndihmojmë mërgimtarëve veçmas në kufij
Jeta në Austri
-
Si po e bën Austria më të lehtë imigrimin e punonjësve të huaj shëndetësorë? Plakja e popullsisë së Austrisë dhe mungesa e punonjësve të kujdesit shëndetësor janë ndër sfidat kryesore...
-
A mund të blejnë të huajt prona në Austri?
-
A mund të marr nënshtetësinë austriake dhe të lëviz menjëherë jashtë vendit?
-
Kandidatja austriake për eurodeputete viziton Zubin Potokun
-
Kandidati për eurodeputet, Lukas Mandl vizitoi meshën shqipe në Vjenë