Kosovë: Thirren qytetarët të vaksinohen kundër COVID-19 edhe gjatë fundjavës

Ministria e Shëndetësisë (MSH) ua ka rikujtuar qytetarëve të Kosovës se vaksinimi kundër COVID-19 do të vazhdojë të bëhet edhe gjatë ditëve të fundjavës, të shtunën dhe të dielën, në të gjitha qendrat e vaksinimit në Kosovë.

Prandaj, MSH përmes një kumunikate u bën thirrje qytetarëve që të caktojnë termin për marrje të vaksinës, me që ka mjaft terminë të lira, përfshirë edhe ditët e fundjavës në të gjitha qendrat e vaksinimit në komunat e Kosovës.

Sipas vendimeve të mëhershme të MSH-së, në Kosovë mund të vaksinohen personat e moshës mbi 16 vjeç si dhe fëmijët e moshës 12-15 vjeç me indikacione mjekësore, këta të fundit me vaksinën PfizerBioNTech.

Duke u bërë thirrje që krahas vaksinimit, të zbatohen masat në fuqi kundër COVID-19, MSH rithekson rëndësinë e vaksinimit si mënyrën më efikase për të parandaluar përhapjen e mëtejme të COVID-19 dhe për të evituar shtrimet e qytetarëve të tjerë në spitale nga format e rënda të COVID-19 dhe për të ulur numrin e rasteve të vdekjeve nga COVID-19.