Lajme
Dollenberg: Imuniteti natyral mbron më shumë se vaksina, por vetëm 6 muaj
Tashmë emri Aurora Meta-Dollenberg është i njohur për të gjithë, pasiqë gjatë gjithë kësaj kohe pandemie, të gjithë mjekët nga diaspora kanë dhënë kontributin e tyre për vendlindje, qoftë përmes këshillave, platformave dhe protokolleve të ndryshme, transmeton albinfo.ch.
Dollenberg, mjeke e specializuar në Gjermani, njëherësh kryetare e Federatës së Mjekëve Shqiptarë në Evropë (AMFE), theksoi se imuniteti natyror ndaj Covid është më i mirë, por kjo nuk të mbron nëse kanë kaluar 6 muaj, në të kundërtën, njerëzit duhet të vaksinohen.
Gjithashtu mjekja nuk kurseu kritikat për vendimin e qeverisë për të lënë kufirin gjatë verës pa masa kufizuese. Sipas saj, kjo ka ndikuar në rritjen e shifrave në vendin tonë.
“Shqipëria për mua bëri gabim që gjatë verës nuk kishte asnjë masë kufizuese për turistët apo emigrantët që kthehen në vendin e tyre. Masat parandaluese duhet të ishin vendosur në kufi edhe gjatë verës, njerëzit që kanë ardhur për pushime në Shqipëri nuk kishte asnjë kufizim dhe kanë sjellë variantet e reja “Delta” dhe “Mu”. Shqipëria nuk pati asnjë kontroll dhe kjo ka kontribuar në rritjen e shifrave në Shqipëri mbi 500 në ditë. Doza e tretë nuk është aplikuar as në Gjermani, sepse kemi një popullsi të madhe që pret dozën e dytë. Nuk ka asnjë qeveri që i ka dhënë prioritet dozës së tretë të vaksinës”, tha fillimisht mjekja Dollenberg.
Nënat shtatzëna dhe fëmijët a duhet të vaksinohen?
“Nga të dhënat e studimit në Gjermani po vaksinohen disa gra shtatzanë dhe fëmijët 12 vjeç. Mjekët na tregojnë që edhe në gra shtatzëna po aplikohet, dhe vaksina nuk krijon probleme shëndetësore. Është e sigurt dhe nuk ka asnjë rast komplikacioni. Shumë shpejt edhe fëmijët mund të nisin të vaksinohen.
Imuniteti sa zgjat?
“Ata që kanë kaluar Covidin, kanë vetëm 6 muaj mbrojtje, madje edhe më të mirë se vaksina për variantet e reja “Delta” apo “Mu”. Por pas 6 mujorshit të parë, edhe nëse e ke kaluar në mënyrë natyrale, duhet të vaksinohesh me dy doza pasi nuk ke antitrupa.
Masat për Covid, a mund të ndodhë ndonjë mbyllje tjetër e fortë e vendit?
“Nëse vaksinohet dhe rritet përqindja e vaksinimit, nuk do të ketë mbyllje të fortë, por vetëm në nivele lokale. Në nivele kombëtare mbyllja totale është komplet e përjashtuar si mundësi. Nëse mbi 80 % e Europës vaksinohet, atëherë kjo luftë është e fituar dhe mund të ngremë flamurin e fitores”, përfundoi mjekja.
VIDEO:
https://www.facebook.com/watch/?v=6110176702387717
E-Diaspora
-
“Më të kërkuarat janë fanellat e Zvicrës dhe ato të Shqipërisë” Pas fanellës së Zvicrës, e dyta më e kërkuar është aktualisht fanella e Shqipërisë, thotë shitësi...
-
Prokuroria kërkon 18 vjet burgim për autorin e vrasjes së Shqiponja Isufit
-
Adem Dalipi vendos shallin me shqiponjë në diplomimin e tij në Amerikë
-
Rama takohet me emigrantët shqiptarë në Milano më 26 maj
-
Itali, shpallen në kërkim 4 shqiptarë për këto arsye
Jeta në Austri
-
Si po e ndryshon motin në Austri ngrohja globale? Ngjarjet ekstreme të motit kanë shënuar pothuajse çdo muaj të vitit 2023 në Austri. Ekspertët thonë...
-
Lajmet më të fundit të së enjtes në Austri
-
Qeveria austriake ndan edhe këtë vit bonus: Nga 145 -290 euro për secilin qytetar të saj
-
Si po e bën Austria më të lehtë imigrimin e punonjësve të huaj shëndetësorë?
-
A mund të blejnë të huajt prona në Austri?