Futen në karantinë mbi 600 nxënës të shkollave fillore në Lenzburg

Qendra shkollore Angelrain tani po kalon në sistemin e mësimit në distancë. Karantina është e vlefshme deri më 16 shtator

Mbështetur në gjurmimin e kontakteve, Departamenti i Shëndetit dhe Çështjeve Sociale i Kantonit Aargau ka urdhëruar futjen në karantinë 10-ditore për qendrën shkollore Angelrain në qytetin  Lenzburg.

Menaxhmenti i shkollës e ka konfirmuar këtë raport në portalin online të «Aargauer Zeitung», shkruan srf.ch.

Më shumë se 600 fëmijë janë prekur nga masat e karantinës të marra mbrëmjen e së hënës, tri objekte shkollore dhe tre kopshte janë mbyllur me këtë rast, transmeton albinfo.ch.

Qendra shkollore Angelrain tani po kalon në sistemin e mësimit në distancë. Karantina është e vlefshme deri më 16 shtator.

Në komunën e vogël të kantonit Aargau, Uerkheim, gjithashtu, kopshti dhe shkolla do të qëndrojnë të mbyllura deri të dielën e ardhshme, sipas një urdhri nga kantoni.

Në këtë mënyrë, synohet të parandalohen infeksionet e reja thekson administrata komunale në faqen e saj të internetit.

 

---