Lajme
Google investon 1 miliard euro në Gjermani
Mediat botërore shkruajnë se gjiganti teknologjik Google ka njofuar se po planifikon të investojë një miliard euro në ndërtimin e dy qendrave të reja të të dhënave në Gjermani, për të forcuar pozicionin e tij në treg dhe për të shmangur problemet rregullatore dhe ligjore, përcjell albinfo.ch.
Theksohet se qendra e të dhënave Hanau do të jetë vetëm 20 kilometra larg qendrës më të madhe të internetit në botë, DE-CIX, tha Philipp Justus, kreu i Google për Evropën Qendrore.
Ndërtesa me katër kate, në një sipërfaqe të shfrytëzueshme prej rreth 10.000 metrash katrorë, do të bëhet plotësisht funksionale vitin e ardhshëm, shtoi ai.
Paralelisht, Google do të krijojë një “rajon cloud” të ri në Berlin-Brandenburg, megjithëse nuk specifikoi se ku do të vendoset qendra e re e të dhënave.
Qëllimi kryesor i “rajoneve cloud” të Google është të sjellë shërbimet e kompanisë më pranë klientëve dhe shpejtësia e transferimit të të dhënave do të përmirësohet ndjeshëm në krahasim me atë përtej Atlantikut.
Përdorimi i qendrave të të dhënave në Shtetet e Bashkuara mund të shkaktojë probleme ligjore dhe rregullatore kur bëhet fjalë për shërbimet për përdoruesit evropianë.
Si pjesë e investimit, gjiganti amerikan i internetit gjithashtu planifikon të rrisë sasinë e energjisë elektrike të marrë nga burimet e rinovuara për nevojat e furnizimit të qendrave të reja të të dhënave, të cilat konsumojnë shumë energji elektrike.
Partneri i saj lokal i energjisë Engie Deutschland do të furnizojë rrjetin gjerman të energjisë me më shumë se 140 megavat energji elektrike nga energjia diellore dhe e erës në vitet e ardhshme, tha Google.
Plani do të kërkojë ndërtimin e një centrali të ri 39 megavatë dhe 22 fermave me erë, në mënyrë që “nga viti 2022, në çdo kohë të caktuar, rreth 80 për qind e energjisë së shpërndarë në infrastrukturën e Google të vijë nga burime pa karbon”.
E-Diaspora
-
Regjistrimi i popullsisë: Diaspora mund të regjistrohet online deri më 31 gusht Qeveria e Republikës së Kosovës ka zhvilluar një mbledhje elektronike, në të cilën, me kërkesë të...
-
Katër mërgimtarët që udhëtuan nga Zvicra në Strugë me biçikletë
-
Kosovë: Në 11 komuna shtyhet regjistrimi i popullsisë deri më 24 maj, për diasporën deri 31 gusht
-
Rreth 350 biznese nga diaspora dhe Kosova u mblodhen në Prishtinë
-
Ermonela Jaho me performancë në Royal Opera House, në skenë me të ngjitet edhe Mbreti Charles III
Jeta në Austri
-
Rreth 350 biznese nga diaspora dhe Kosova u mblodhen në Prishtinë Në 10 vjetorin e themelimit të Rrjetit Global të Bizneseve Shqiptare, sot në Prishtinë është mbajtur...
-
Si po e ndryshon motin në Austri ngrohja globale?
-
Lajmet më të fundit të së enjtes në Austri
-
Qeveria austriake ndan edhe këtë vit bonus: Nga 145 -290 euro për secilin qytetar të saj
-
Si po e bën Austria më të lehtë imigrimin e punonjësve të huaj shëndetësorë?