Pas FMN-së e Amerikës, edhe Banka Botërore i ndërpren fondet për Afganistanin

Banka Botërore ka ndërprerë fondet për projektet në Afganistan, pasi talibanët morën pushtetin në këtë vend.

Ata kanë deklaruar se marrja e pushtetit nga talebanët do të kenë impakt “në prospektet zhvilluese të vendit, veçanërisht për gratë”.

Ky veprim vjen vetëm disa ditë pasi Fondi Monetar Ndërkombëtar [FMN] suspendoi pagesat për Afganistanin, raporton BBC, përcjell Albinfo.ch.

Administrata Biden po ashtu ka ngrirë asetet për Bankën Qendrore të Afganistanit, të cilat mbaheshin në SHBA.

“Kemi pauzuar pagesat në operacionet tona në Afganistan dhe po monitorojmë nga afër dhe vlerësojmë situatën në vijë me politikat dhe procedurat tona të brendshme”, tha zëdhënësi i Bankës Botërore për BBC.

Prej vitit 2002 e tutje, institucionet financiare me bazën në Washington kanë dedikuar më shumë se 5.3 miliardë dollarë për projekte rindërtuese dhe zhvilluese në Afganistan.