Spanja hap qendrën që siguron ndihmë për afganët

(AP Photo/Rahmat Gul)

Zyrtarë të lartë evropianë vizituan të shtunën qendrën evropiane që merret me evakuimin e afganëve në Spanjë.

Presidentja e Komisionit Europian, Ursula von der Leyen, shefi i Diplomacisë, Josep Borrell, presidenti i Këshillit Evropian, Charles Michel dhe kryeministri spanjoll, Pedro Sanchez, vizituan bazën ajrore Torrejon de Ardoz.

Kjo qendër evropiane ka si qëllim të sigurojë mbështetje dhe ndihmë për bashkëpunëtorët tanë dhe refugjatët afganë që përfaqëson vlerat dhe parimet e Bashkimit Evropian, tha kryeministri spanjoll, Sanchez.

Qendra spanjolle do të marrë refugjatë afganë që kanë punuar me institucionet e Bashkimit Evropian dhe do të kenë kapacitet për 1.000 persona, sipas njoftimit të Ministrisë së Jashtme spanjolle.

Njerëzit që mbërrijnë në qendër duhet të testohen për COVID-19, ndërsa më pas do të dërgohen në vende të ndryshme të BE-së, tha ministri spanjoll i Imigracionit, Jose Luis Escrives./euronews