Çfarë mund të bëhet kundër mesazheve të padëshiruara nga kompanitë e rrejshme ajrore

Në ditët dhe javët e kaluara, dërgimi i mesazheve të padëshiruara me oferta fluturimi në vendin tuaj, jo vetëm që është rritur, por është bërë një arsye për shqetësim

Sikur lajmet e reklamave që na vijnë gjatë gjithë vitit nuk mjaftuan për të na bezdisur, gjendja bëhet edhe më e keqe tani në kohën e udhëtimit për pushime.

Në ditët dhe javët e kaluara, dërgimi i mesazheve të padëshiruara me oferta fluturimi në vendin tuaj, jo vetëm që është rritur, por është bërë një arsye për shqetësim, shkruan albinfo.ch. Shpeshherë të dhëna të njohura të kontaktit përdoren rrejshëm, në emër të dërguesit.

Telefonatat ose mesazhet e padëshirueshme jo vetëm që janë të bezdisshme, por shpesh janë edhe mashtruese. Për shkak se mbrapa shumë prej këtyre numrave të telefonit ka përpjekje për mashtrim, për të vjedhur paratë për biletat gjoja “të lira” për në atdhe.

Në këtë mënyrë ushtrohet ngacmim ose kërkohen të dhënat për arsye të paqëndrueshme. “PrishtinaTicket”, “PrishtinaJet”, “Eurofly”, “Paragonfly”, “Kosovaticket”, “Skyexpress”, “mysky24” janë disa nga këta ofrues të bezdisshëm që thënë tekstualisht, ju bombardojnë me lajme.

Me filtrin e thirrjes nga Swisscom dhe Sunrise, mesazhet e dyshimta telefonike dhe thirrjet reklamuese eliminohen, sepse filtri i thirrjeve në thelb funksionon ngjashëm me filtrin e postës elektronike, shkruan albinfo.ch. Kopjet e padëshiruara filtrohen dhe, në radhë të parë, nuk transmetohen.

Ofruesi i telefonit Salt pritet po ashtu të ofrojë këtë funksion duke filluar nga 01.07.21. Ky filtër telefonik celular i pavarur nga sistemi mund të aktivizohet në çdo kohë. Dhe ofron mbrojtje ndaj këtij shqetësimi të përjetshëm.

---