UEFA: Shaqiri, lojtari i ndeshjes Zvicër-Turqi

Nuk kishte shumë dyshime se kush do të shpallej futbollisti i ndeshjes

Zvicra fitoi 3:1 kundër Turqisë, duke iu falur Xherdan Shaqirit.

Futbollisti shqiptar shënoi dy gola mjaft të bukur, shkruan albinfo.ch.

Kjo bëri që UEFA ta shpallë futbollistin shqiptar si lojtar i ndeshjes. Kjo është hera e parë që Shaqiri merr këtë çmim në këtë Evropian. Njëkohësisht ishte fitorja e parë e Zvicrës në këtë Evropian dhe ka grumbulluar katër pikë.

Xherdan Shaqiri ka shënuar 7 gola për Zvicrën në Kampionate Evropiane dhe Botërore, më së shumti në histori të Zvicrës. Gjithashtu ka shënuar në katër madhor radhazi: Kupa e Botës 2014, Euro 2016, Kupa e Botës 2018 dhe Euro 2020.

---