Ndodh vetëm në Zvicër? Brirët e lopëve janë në agjendën politike

@pixabay

Gjatë sesionit parlamentar të verës, i cili filloi më 31 maj, deputetët do të debatojnë çështje të ndryshme me rëndësi për Zvicrën, duke përfshirë reformën e sistemit të sigurimeve shoqërore dhe taksat.

Por, deputetët do të vlerësojnë gjithashtu një çështje tjetër thelbësore: financimin e brirëve të lopëve.

Një senator po i kërkon Këshillit Federal të ndryshojë urdhëresën për pagesa direkte për të dhënë një “kontribut të duhur” për mirëmbajtjen e brirëve.

Mocioni mbështetet nga një numër deputetësh në Këshillin e Shteteve, Dhoma e sipërme e Parlamentit, shkruajnë mediat zvicerane, përcjell albinfo.ch.

Kjo nuk është një çështje e re në Zvicër: në vitin 2018 votuesit zviceranë hodhën poshtë iniciativën që kërkonte subvencione për fermerët që merren me këto aktivitete.