Bazel: Një grua me flamur izraelit shfaqet në demonstratën pro Palestinës

Shumica e demonstruesve nuk kanë reaguar, por disa i janë përgjigjur provokimit dhe i janë afruar gruas me flamur, duke bërë që ajo të ikë nga sheshi

Të shtunën rreth orës 15, rreth 100 njerëz janë grumbulluar në Barfüsserplatz në Basel për të demonstruar kundër Izraelit. Shkas për këtë tubim ishte përshkallëzimi i fundit në konfliktin në Lindjen e Mesme, raporton 20minuten.ch.

Janë skanduar parulla të ndryshme në arabisht, anglisht dhe gjermanisht. Është dëgjuar veç tjerash edhe sllogani “Palestina do të jetë e lirë, nga lumi në det”, i popullarizuar në mesin e nacionalistëve palestinezë.

Sipas tij, kërkohet një shtet palestinez nga lumi Jordan në Detin Mesdhe, i cili përfshin pjesë të mëdha të territorit shtetëror izraelit. Izraelitët janë etiketuar nga demonstruesit si terroristë.

Në orën 16 është shfaqur një grua me flamur të Izraelit në sheshin ku po protestohej. Ndërsa shumica e demonstruesve nuk kanë reaguar, disa i janë përgjigjur provokimit dhe i janë afruar gruas me flamur, duke bërë që ajo të ikë nga sheshi.

Disa demonstrues më pas e kanë ndjekur atë, por janë ndaluar nga bashkëdemonstruesit, të cilët kanë bërë thirrje për mosreagim.

Sipas dëshmitarëve okularë, gruaja ka kërkuar kontakt me policinë.

Protesta të ngjashme janë mbajtur sot edhe në Cyrih dhe në Bazel.

---