Tesla pezullon përdorimin e Bitcoin për blerjen e makinave të saj

Aksionet e Bitcoin ranë me 10% dhe ulje pësuan dhe ato të Teslas

Shefi ekzekutiv i Tesla, Elon Musk njoftoi se kompania e tij ka pezulluar përdorimin e Bitcoin për blerjen e makinave të saj për shkak të shqetësimeve për ndryshimet klimaterike.

Menjëherë, pas këtij postimi të Elon Musk aksionet e Bitcoin ranë me 10% dhe ulje pësuan dhe ato të Teslas, raporton Cnn, përcjell Albinfo.ch.

Deklarata e kompanisë Tesla në muajin maj se do të pranonte kriptovalutën solli menjëherë reagimin e ambientalistëve dhe investitorëve. Krijuesi i makinave elektrike gjithashtu në muajin shkurt kishte blerë 1.5 miliardë nga valuta më e madhe digjitale në botë.

Por duket se Musk ka ndërruar mendim.

“Kriptovalutat janë një ide e mirë, por kjo nuk mund të sjellë kosto të mëdha për ambientin që na rrethon”, shkruan mes të tjerash shefi i Tesla.

 

---