Kosova
Kosovë: Javën tjetër vijnë mbi 30 mijë doza vaksinash
Vetëm edhe rreth 1 mijë doza të vaksinës së kompanisë “Pfizer” kanë mbetur në dispozicion për stafin shëndetësor të Kosovës.
Kosova të martën pranoi një kontingjent me 4 mijë e 680 doza të vaksinës “Pfizer”, nga mbi 90 mijë, sa janë planifikuar nga Bashkimi Evropian për kosovarët.
Në sallën “1 Tetori” edhe këtë të shtunë ka vazhduar vaksinimi, derisa nga e mërkura e deri tani janë vaksinuar mbi 3 mijë e 200 profesionistë shëndetësorë.
Sipas përgjegjësit të vaksinimit, nga 29 marsi kur edhe ka filluar vaksinimi në Kosovë, mbi 27 mijë persona e kanë marrë vaksinën. Madje ai ka treguar se kanë shtuar kapacitetet ditët e fundit, dhe se janë të gatshëm edhe për faza të tjera të vaksinimit.
“Por këtë parapërgatitje që kemi nuk bëhet fjale vetëm për këtë kategori aktuale por jemi duke marrë masat edhe për kontingjentin e radhës që do t’i kemi vaksinat dhe shumë shpejt do ta shihni edhe anën tjetër me mjekë dhe po bëjmë planin e punës për procesin e vaksinimit në të ardhmen”, ka thënë Niman Bardhi, menaxher i qendrës së vaksinimit “1 Tetori”.
Obligim marrjen e vaksinës po e konsiderojnë stafi shëndetësor që u vaksinua këtë të shtunë në sallën “1 Tetori”.
Ndonëse nga buxheti i Kosovës për blerjen e vaksinave anti-COVID janë në dispozicion 40 milionë euro, ato ende nuk janë shpenzuar. E se kur do të bëhet një gjë e tillë, kryeministri i Kosovës, nuk ka treguar, por vetëm ka premtuar ardhjen e një numri të madh të vaksinave.
“Është e vërtetë që nuk kemi vaksina, të cilat i kemi ble me parët e buxhetit, ndonjë qeveri e mëhershme ndoshta i kish ble po vaksinat nuk i kishim pa, tash Qeveria e Kosovës, është çështje ditësh kur qeveria e sjell kontingjentin e radhës të vaksinave, numri i të cilëve do të jetë më i madhe se sa ato që i kemi marrë së bashku, derisa në fund të majit ose në fund të qershorit do të marrim shumëfishin e tyre”, ka thënë të premten Kurti, përcjell Albinfo.ch.
KOHA ka mësuar se të hënën pritet të mbërrijë edhe një kontingjent tjetër me vaksina të “Pfizer”-it nga Bashkimi Evropian, e nga e dita e martë e tutje pritet të vijë edhe kontingjenti i radhës, me rreth 30 mijë doza të vaksinës së “AstraZeneca”, përmes mekanizmit COVAX.
Të tjera nga Kosova
E-Diaspora
-
Detaje nga rasti kur një shtetas nga Kosova vrau pronarin e biznesit në Dyseldorf Një vrasje me armë zjarri është regjistruar dje në qytetin e Dyseldorfit në Gjermani. Mësohet se...
-
Arnold “The Cobra” Gjergjaj triumfon në luftën e fundit
-
Nju-Jork: Baleti Kombëtar i Kosovës me dy shfaqje
-
Belgjikë: Kori “Siparantum” do të dhuroj paraqitje dinjitoze
-
Çikago: Pianistja Anila Aliu, me koncert recital
Jeta në Austri
-
Gjithçka që ndryshon në Austri nga muaji maj Nga grevat dhe protestat, deri te festat publike (që janë shumë), këtu janë gjërat që do...
-
Katër liqene të bukura, tek të cilat mund të shkoni lehtësisht nga Vjena me transport publik
-
Sa vite duhet të punoni në Austri që të keni të drejtën e pensionit?
-
Austrian Airlines arrin marrëveshje pagash me punëtorët për të shmangur grevat e reja
-
Katër gjëra që duhet të dini para se të regjistroni fëmijën tuaj në një kopsht fëmijësh në Vjenë