Lajme
Ku qëndron Zvicra në rangimin e lirisë së mediave në botë?
Zvicra është ranguar e 10-ta nga 180 shtete sa i përketë lirisë së mediave, në të dhënat e publikuara nga Reporterët pa Kufij – organizatë kjo që monitoron lirinë e mediave globalisht.
Në këtë publikim, Zvicra përshkruhet në përgjithësi me një mjedis politik dhe legjislativ që e favorizon lirinë e shtypit dhe si vend shumë i sigurt për gazetarët, megjithatë thuhet se larmia e mediave zvicerane, që tradicionalisht ka qenë e lartë në krahasim me vendet e tjera është goditur nga trazirat në tregun e mediave që rezulton nga revolucioni dixhital, shkruan albinfo.ch.
“Efektet e revolucionit dixhital ndihen veçanërisht në Zvicër, një vend i vogël, i decentralizuar me disa rajone gjuhësore që secila përbën një treg të veçantë për mediat”, thuhet në indeksin për lirinë e mediave në botë, të publikuar nga Reporterët pa Kufij (Reporters without Borders).
Sa i përketë situates me pandemi, kjo nuk e ka ndihmuar tregun e mediave në Zvicër.
“Mediat zvicerane kanë parë një kolaps në fitimet e reklamave, duke rezultuar në mbylljen e disa gazetave lokale dhe duke detyruar shumë të tjerë të marrin masa ekonomike që kanë minuar cilësinë dhe diversitetin për lajmet që ato ofrojnë”, potencon ky publikim.
Në këtë publikim thuhet se nuk ka asnjë vrasje të gazetarëve, asnjë vrasje të punëtorëve të mediave dhe nuk ka asnjë gazetar-qytetar të vrarë gjatë vitit 2020 në Zvicër.
Ndryshe, Zvicra në publikimin e vitit 2020 ishte renditur në vendin e tetë, e që këtë vit ka rënë për dy pozita më poshtë.
Ndërkohë, në tri vendet e para kanë prirë shtetet skandinave, Norvegjia e para, Finlanda e dyta dhe Suedia e treta./Albinfo.ch
E-Diaspora
-
Bizneset nga diaspora vizitojnë “Shtëpinë e Kosovës” Pas eventit të mbajtur dje në Prishtinë ku u bashkuan rreth 350 biznese nga diaspora dhe...
-
Shqiptari diplomon në Columbia University në Nju Jork
-
Bernë: Promovohet libri “Gazmend Zajmi – Një jetë për Kosovën” me autor Nuhi Bytyçi
-
Tenori Ramë Lahaj në Toronto, me rastin e 25-vjetorit të ardhjes së refugjatëve nga Kosova në Kanada
-
Regjistrimi i popullsisë: Diaspora mund të regjistrohet online deri më 31 gusht
Jeta në Austri
-
A duhet të kryejnë shërbimin e detyrueshëm ushtarak të Austrisë personat me shtetësi të dyfishtë? Jo vetëm ata që kanë lindur me pasaportë austriake duhet të kryejnë shërbimin ushtarak. Nëse jeni...
-
Rreth 350 biznese nga diaspora dhe Kosova u mblodhen në Prishtinë
-
Si po e ndryshon motin në Austri ngrohja globale?
-
Lajmet më të fundit të së enjtes në Austri
-
Qeveria austriake ndan edhe këtë vit bonus: Nga 145 -290 euro për secilin qytetar të saj