Edi Rama përplaset me gazetarin Ilir Babaramo, largohet nga emisioni

Kryeministri Edi Rama e braktisur studion e Report TV gjatë një interviste me gazetarin Ilir Babaramo.

Ai hoqi mikrofonat dhe u largua nga studio pas përplasjeve herë pas here me drejtuesin e emisionit.

“Këtu mbyllet intervista. Jo, ne nuk kthehemi asgjëkundi. Herë tjetër, kur fton kryeministrin, fol me kryeministrin. Unë jam i gatshëm të vij prapë, por këtu mbyllet intervista. Unë nuk mund më të vazhdoj”, tha Rama. Ndërprerja ka ardhur pas mbi 60 minuta pyetje mbi tematikat më të nxehta të aktualitetit politik, kur mungojnë vetëm gjashtë ditë nga zgjedhjet.

Rama i ftuar në emisionin “5 pyetjet nga Babaramo” ka folur për çështjen e patronazhistëve. Rama tha se edhe ai e Ruçi e kanë nga një të tillë, të cilët janë të gjithë vullnetarë. Rama tha se ky sistem me “patronazhistë” njihet në të gjitha partitë e rëndësishme në botë.

I pyetur nëse është një kurth ftesa e tij për bashkëpunim pas 25 prillit për Lulzim Bashën, Rama u përgjigj se nuk merret me kurthe. Sipas tij, PS-ja do të fitojë zgjedhjet dhe ai vetë do jetë kryeministri i të gjithë shqiptarëve. (Shiko videon nga minuta 1:07:00)

https://m.facebook.com/watch/live/?v=2818246255172332&ref=watch_permalink&_rdr