Kuriozitete

Instagram, në përpjekje për të mbrojtur shëndetin mendor

E mërkurë, 14 Prill 2021 - 23:40 albinfo.ch
@lukevz

Instagrami ka zbuluar se do t’i japë përdoruesve opsionin për të fshehur pëlqimet në postimet e tyre, në përpjekje për të mbrojtur shëndetin mendor.

Nga ky aplikacion kanë thënë se kjo do të bëhet për të bërë një test global të vogël, që do të lejojë përdoruesit të zgjedhin cila eksperiencë është më e mirë për ta.

Instagrami filloi të fshehte pëlqimet për përdoruesit në shtatë shtete më 2019 për të parë nëse “zvogëlon presionin e lidhur me postimin”.

Por, kjo provë mori disa përgjigje negative, duke bërë që Instagrami të bënte sërish ndryshime, shkruan DailyMail.

Këtë herë, përdoruesit do të vendosin vetë nëse duan të shohin pëlqimet në postimet e të tjerëve dhe nëse ata duan të shohin pëlqimet në postimet e veta.

Instagrami ka shqetësime se shikimi i një postimi me mijëra pëlqime mund të çojë në ndjenja të vetëvlerësimit të ulët te përdoruesit që kanë vetëm disa pëlqime në postimet e tyre apo më pak shokë/shoqe në aplikacion.

 Të tjera nga Kuriozitete

Me helikopterë privatë nga Zvicra në Shqipëri dhe Kosovë

 E-Diaspora

 Jeta në Austri