Kuriozitete
Dy modele të reja elektrike do të lansojë Volkswagen
Kohë më pare Volkswagen pati prezantuar një tjetër anëtar të familjes elektrike I.D., konceptin I.D. Roomzz, përcjell albinfo.ch.
Së fundi njoftohet se ky koncept do të bëhet në version serik dhe do të mbajë emrin ID.6, si dhe se fillimisht do të shitet vetëm në tregun kinez.
ID.6 serik premierën pritet ta mbajë gjatë këtij muaji në panairin e veturave në Shanghai, transmeton KOHA. Po ashtu, në këtë panair do të prezantohet edhe versioni ID.6 Crozz.
Fjala është për një Crossover i cili do të vijë me platformën MEB të Volkswagenit për vetura elektrike, si dhe me dizajn modern e enterier me tri rende të ulëseve.
Sa i përket motorit, aktualisht përmendet vetëm versioni me një motor elektrik i cili është me kapacitet prej 150 kW/240 kuajfuqi me sistemin e tërheqjes vetëm me rrotat e pasme. Më vonë thuhet se do të jetë në dispozicion edhe versioni me dy motorë elektrikë, i cili është me kapacitet prej 225 kW/306 kuajfuqi dhe vjen me sistemin e tërheqjes me të gjitha rrotat. Më herët është thënë se kjo veturë elektrike do të vijë me baterinë litium-jon me kapacitet prej 82 kWh.
Volkswagen ID.6 është i gjatë 4.8 metra, i gjerë 1.8 metra, i lartë 1.7 metra, ndërsa boshtin e rrotave e ka të gjatë 2.9 metra. Po ashtu, ID.6 peshon 2,280 kilogramë.
Ndërsa Volkswagen ID.6 Crozz, për dallim nga ID.6, vjen me disa elemente shtesë për siguri, dritat e përparme dhe mbrojtësin e përparmë më ndryshe, si dhe rrotat e reja nga alumini.
Gjithashtu, ID.6 Crozz është i gjatë 4.9 metra si dhe boshtin e ka me të njëjtën gjatësi sikurse ID.6.
E-Diaspora
-
Arnold “The Cobra” Gjergjaj triumfon në luftën e fundit Gjatë së shtunës Arnold “The Cobra” Gjergjaj triumfoi kundër Dennis Lewandowski. Kjo ndeshje e madhe u...
-
Nju-Jork: Baleti Kombëtar i Kosovës me dy shfaqje
-
Belgjikë: Kori “Siparantum” do të dhuroj paraqitje dinjitoze
-
Çikago: Pianistja Anila Aliu, me koncert recital
-
Sopranoja Elbenita Kajtazi ndan bursa vjetore për studentët shqiptarë të muzikës
Jeta në Austri
-
Katër liqene të bukura, tek të cilat mund të shkoni lehtësisht nga Vjena me transport publik Pranvera është këtu dhe vera është rrugës. Është koha e përsosur e vitit për të vizituar...
-
Sa vite duhet të punoni në Austri që të keni të drejtën e pensionit?
-
Austrian Airlines arrin marrëveshje pagash me punëtorët për të shmangur grevat e reja
-
Katër gjëra që duhet të dini para se të regjistroni fëmijën tuaj në një kopsht fëmijësh në Vjenë
-
A mund të marr përfitime papunësie në Austri nëse jam i vetëpunësuar?