LG merr ankesa pas lajmit se nuk do të prodhojë smartfonë

Keystone (AP Photo/Manu Fernandez)

Adhuruesit e LG-së janë ankuar pasi firma tregoi se do të dalë nga biznesi i smartfonëve për shkak të humbjes së madhe nga ana financiare.

Përdoruesit e smartfonëve në Korenë Jugore dhe SHBA kanë postuar fotografi duke treguar nostalgji për inovacionet të cilat i kishte sjellë kjo kompani. LG ka 10 për qind të tregut të smartfonëve në SHBA, ndërkaq 2 për qind të tregut botëror.

Përdoruesit tutje kanë shkruar në rrjetet sociale për dizajnët unike të cilat i ka pasur kjo kompani.

“LG-ja ka ndër hardverët më të mirë të zërit nga secili telefon”, ka thënë Kimg Dong-woon, i cili përdor telefon të kësaj kompanie.