Anri Sala eksploron raportin mes muzikës, hapësirës, arkitekturës dhe shpirtit njerëzor

“Time No Longer" titullohet vepra më e fundit e artistit, frymëzuar nga astronauti dhe saksofonisti afroamerikan Ronald McNair, i cili në vitin 1986 tentoi të regjistronte muzikë në hapësirë

Artisti shqiptar, Anri Sala, ka hapur një instalacion në Bayou Buffalo Park Cistern, Houston, i cili do të jetë i hapur deri më 12 dhjetor 2021. “Time No Longer” titullohet vepra më e fundit e artistit, frymëzuar nga astronauti dhe saksofonisti afroamerikan Ronald McNair, i cili në vitin 1986 tentoi të regjistronte muzikë në hapësirë, transmeton albinfo.ch.

Anri punon dhe jeton në Berlin. Ai ka përfunduar studimet në Akademinë e Arteve të Tiranës, për video në Shkollën e Arteve Dekorative të Parisit, si edhe regjisurë në Le Fresnoy-Studio National des Arts Contemporains, Tourcoing.

Ka marrë pjesë në shumë aktivitete të rëndësishme ndërkombëtare, si dhe është gjithashtu fitues i një sërë çmimesh prestigjioze ndërkombëtare. /Albinfo.ch

Për më shumë https://www.wallpaper.com/art/anri-sala-time-no-longer-buffalo-bayou-park-cistern-houston?fbclid=IwAR3NH9nqJFLqMx_dHF-Aa73_vNPctMpT_AHqmoSzowQ3y2zfRoXObp1Lx-Y

---