Lajme
OBSH: Hipotezat mbi origjinën e COVID-19 kërkojnë më shumë studime
Kreu i OBSH-së, Tedros Adhanom Ghebreyesus vlerësoi sot se të gjitha hipotezat e paraqitura në raport mbi origjinën e COVID-19 meritojnë të studiohen më tej, në një reagim të parë ndaj këtij dokumenti.
“Të gjitha hipotezat janë në tryezë dhe meritojnë studime të mëtejshme dhe gjithëpërfshirëse të asaj që kam parë deri më tani”, tha ai gjatë një konference të përbashkët për shtyp me ministrin gjerman për Bashkëpunimin, Gerd Müller, shkruan Afp, përcjell Albinfo.ch.
Dokumenti, që favorizon hipotezën e transmetimit nga një kafshë dhe që e konsideron shumë të pamundur atë të një rrjedhje nga një laborator, do të publikohet të martën.
Kjo e fundit, që virusi shpëtoi nga një laborator në Ëuhan, epiqendra e zonës metropolitane kineze të epidemisë, gjykohet nga 17 ekspertët ndërkombëtarë të emëruar nga OBSH-ja dhe 17 kolegët e tyre kinezë, si një skenar “shumë i pamundur”, ndërsa ai i transmetimit nga një kafshë e ndërmjetme është cilësuar si “i mundshëm deri te shumë i mundshëm”.
“Raporti iu dorëzua dje vendeve anëtare të OBSH-së, për të cilat ekspertët e shëndetit publik do të informohen më tej të martën”, shpjegoi kreu i OBSH-së.
“Ne do ta lexojmë raportin dhe do ta diskutojmë, si edhe do të vendosim për hapat e ardhshëm me vendet anëtare”, tha Tedros.
Raporti më pas do të bëhet publik dhe do të pasohet nga një konferencë për shtyp e autorëve.
Të tjera nga Lajme
E-Diaspora
-
“Më të kërkuarat janë fanellat e Zvicrës dhe ato të Shqipërisë” Pas fanellës së Zvicrës, e dyta më e kërkuar është aktualisht fanella e Shqipërisë, thotë shitësi...
-
Prokuroria kërkon 18 vjet burgim për autorin e vrasjes së Shqiponja Isufit
-
Adem Dalipi vendos shallin me shqiponjë në diplomimin e tij në Amerikë
-
Rama takohet me emigrantët shqiptarë në Milano më 26 maj
-
Itali, shpallen në kërkim 4 shqiptarë për këto arsye
Jeta në Austri
-
Si po e ndryshon motin në Austri ngrohja globale? Ngjarjet ekstreme të motit kanë shënuar pothuajse çdo muaj të vitit 2023 në Austri. Ekspertët thonë...
-
Lajmet më të fundit të së enjtes në Austri
-
Qeveria austriake ndan edhe këtë vit bonus: Nga 145 -290 euro për secilin qytetar të saj
-
Si po e bën Austria më të lehtë imigrimin e punonjësve të huaj shëndetësorë?
-
A mund të blejnë të huajt prona në Austri?