Tregu Smarthome vlen 566 milionë, po rritet me 26% në vit

(KEYSTONE/Christian Beutler)

Tregu i ‘shtëpisë së zgjuar’ vlen 68 miliardë euro në gjithë botën. Shtetet e Bashkuara dhe Kina janë në krye, ndërsa Italia është në pjesën e pasme, ku tregu vlen 566 milionë euro, por rritja mesatare vjetore e pritur është 26% dhe në 2023 qarkullimi duhet të kalojë një miliard. Këto janë rezultatet e raportit të parë për smarthome të përgatitur nga Qendra e Studimit TIM. Tregu global i Smart Home do të arrijë 110 miliardë euro më 2023, me një rritje mesatare vjetore prej rreth 17%.

SHBA dhe Kina janë tregjet kryesore dhe u rritën me 20 dhe 40% përkatësisht më 2019 dhe për vitin 2020 rritja pritet të mbetet e pandryshuar. Në Evropë, vendet me vlerën më të lartë të tregut janë Gjermania dhe Anglia me rreth 3.2 miliardë euro.

Mbretëria e Bashkuar kryeson renditjen e vendeve kryesore Evropiane nga përhapja e objekteve “të zgjuara” në shtëpi, ku për çdo 10 shtëpi ka 18 objekte të zgjuara. Gjermania me 16 objekte dhe Franca me 12. Për më tepër, me 6 objekte inteligjente për çdo 10 shtëpi, Italia i paraprin Spanjës, e cila regjistron vetëm 4. Altoparlantë inteligjentë dhe altoparlantë të pajisur me asistentë zanorë kanë regjistruar rritje të fortë në dy vitet e fundit me + 59% në vitin 2019 dhe me + 11% në vitin 2020.