Spanja nis vaksinimin masiv

(KEYSTONE/Anthony Anex)

Autoritetet spanjolle kanë nisur vaksinimin kundër COVID-19 me vaksinën AstraZeneca.

Rreth 19 mijë persona janë lajmëruar për të marrë dozën e parë të vaksinës. Disa rajone të Spanjës e kanë ndaluar vaksinimin me AstraZeneca, pas raportimeve për koagulim apo mpiksje të gjakut tek disa qytetarë, por megjithatë qeveria qendrore ka vendosur që të vazhdojë me përdorimin e vaksinës, transmeton Euronews, përcjell Albinfo.ch.

Disa vende nordike si dhe Austria e kanë ndaluar përdorimin e vaksinës për shkak të disa ndërlikimeve që ka dhënë në disa raste.

Ministrja e Shëndetësisë së Spanjës, Carolina Darias, u shpreh që autoritetet kanë vëzhguar efekte të lehta anësore të tilla si dhimbje koke, shqetësime intestinale, ndërkohë që mpiksja e gjakut ndër njerëzit e vaksinuar nuk ka qenë më e lartë sesa ai i rasteve të ngjashme në popullsinë e përgjithshme.

Darias u shpreh që Spanja do të vazhdojë të menaxhojë vaksinimin me AstraZeneca derisa të marrë udhëzime të mëtejshme nga Agjencia Evropiane e Barnave.