Demonstrime spontane në Bernë dhe Cyrih kundër ndalimit të burkës

Fillimisht policia ka lejuar lëvizjen dhe herë pas here e ka shoqëruar atë me policë me uniforma për trazira. Për shkak të pandemisë së koronavirusit, maksimalisht 15 njerëz lejohen të marrin pjesë në një demonstrim

Pas votimit nga populli, të ndalimit të burkës, në Bernë dhe Cyrih, në orët e mbrëmjes së të dielës pati demonstrata kundër rezultatit të votimit.

Mbi 150 njerëz kanë marshuar nëpër qendrën e qytetit, në Bernë, raporton një korrespodent për agjensinë e lajmeve Keystone-SDA.

Të rinjtë dhe të rejat janë mbledhur në stacionin e trenit për të demonstruar kundër nismës së burkës, transmeton albinfo.ch. Ata më kanë pas marshuar drejt Pallatit Federal.

Fillimisht policia ka lejuar lëvizjen dhe herë pas here e ka shoqëruar atë me policë me uniforma për trazira. Për shkak të pandemisë së koronavirusit, maksimalisht 15 njerëz lejohen të marrin pjesë në një demonstrim. Sidoqoftë, pjesëmarrësit e tubimit kishin maska ​​mbrojtëse.

Demonstruesit janë tubuar duke ndjekur një thirrje nga grupi anarkist “Bern”. Protesta ishte e drejtuar, ndër të tjera, “kundër shtetit racist, anti-mysliman dhe gjendjes normale seksiste”, siç mund të lexohej në një banderolë.

Edhe në Cyrih, më shumë se 100 të rinj kanë dalë në rrugë në Helvetiaplatz. Protesta nuk është miratuar, njofton policia e qytetit të Cyrihut, përcjell albinfo.ch. Policia e ka shoqëruar protestën me drita të ndezura, por nuk ka ndërhyrë. Demonstrata është shpërndarë pas një kohe të shkurtër.

---