Kosova
Nga viti 2008, Kosovën e kanë njohur 117 shtete
Sot 13 vjet që kur Kosova shpalli pavarësinë e saj, transmeton albinfo.ch.
Më 17 shkurt 2008, në orën 15:30, në një mbledhje ku morën pjesë 109 nga gjithsej 120 deputetë, Kosova u shpall shtet i pavarur, demokratik dhe sovran.
Shpallja e Pavarësisë së Kosovës më 17 shkurt 2008 ishte kurorëzim i një rrugëtimi të gjatë e të vështirë për qytetarët e Kosovës. Për vite me radhë, deri në qershor të vitit 1999, qytetarët vuajtën pasojat e spastrimit etnik nga regjimi serb.
Më 2 shkurt 2007 i derguari special për statusin e Kosovës, Martti Ahtisaari, dorëzoi propozimin e tij në Prishtinë dhe Beograd për pavaresinë e kushtëzuar të Kosovës, hap që çoi drejt krijimit të shtetit të pavarur.
“Ne, udhëheqësit e popullit tonë, të zgjedhur në mënyrë demokratike, nëpërmjet kësaj Deklarate shpallim Kosovën shtet të pavarur dhe sovran. Kjo shpallje pasqyron vullnetin e popullit tonë dhe është në pajtueshmëri të plotë me rekomandimet e të Dërguarit Special të Kombeve të Bashkuara, Martti Ahtisaari, dhe Propozimin e tij Gjithëpërfshirës për Zgjidhjen e Statusit të Kosovës”, thuhej në deklaratën e pavarësisë të nënshkruar nga kryeministri i asaj kohe, Hashim Thaçi.
Menjëherë pas shpalljes së pavarësisë, u dërguan letra në drejtim të të gjitha qeverive të botës për njohjen e saj. Njohjet e para filluan menjëherë pas disa orësh, ku Kosta Rika ishte shteti i parë që njohu Kosovën shtet të pavarur.
Që nga viti 2008, Kosovën e kanë njohur 117 shtete. Ndërsa, gjatë vitit 2019, Kosova nuk pranoi asnjë njohje.
Njohja e fundit të cilën e mori Kosova është më datë 01.02.2021 nga Izraeli.
Kosova do të shënojë këtë përvjetor me një qeveri të re të udhëhequr nga Lëvizja Vetëvendosje, si fituese e zgjedhjve të parakohshme parlamentare që u mbajtën më 14 shkurt.
Sipas rezultateve të publikuara nga KQZ-ja, LVV-ja fitoi bindshëm me 47,85 %, partia e dytë radhitet PDK-ja, me 17,41%, ndërsa e treta LDK-ja me 13,08%, AAK-ja me 7,4%, ndërsa Nisma me vetëm 2,5%, duke mos arritur ta kalojë pragun për të hyrë në Kuvend.
Të ngjashme
Të tjera nga Kosova
E-Diaspora
-
Spanjë: Vlerësohet shfaqja “Ëndrrat e Hamletit” e Mentor Zyberajt Mësohet se shfaqja “Ëndrrat e Hamletit”, me regji të Mentor Zyberajt ka marrë vlerësim të lartë...
-
Kanada
Kanada: Tenori me famë botërore, Ramë Lahaj, sjell “Traviata” e Xhuzepe Verdit
-
Kandidatja për eurodeputete, Kati Schneeberger, hap në Vjenë ekspozitën “Rezistenca paqësore në Kosovë 1990-1998
-
Milano: Rita Petro, ndër të ftuarat e “FjalaFest”
-
Bruksel: Përfaqësuesit e diasporës shqiptare, gati për projektin e shkollës verore “JAM SHQIPTAR”
Jeta në Austri
-
Kandidatja për eurodeputete, Kati Schneeberger, hap në Vjenë ekspozitën “Rezistenca paqësore në Kosovë 1990-1998 Kryetarja e shoqatës “Kosovo goes Europe”, Kati Schneeberger do të hapë nesër (2 maj) ekspozitën ...
-
A do të zhvendoset nga burgu austriaku Fritzl që u dënua me burgim të përjetshëm për dhunimin e të bijës?
-
Austri: Përmbledhje e lajmeve të fundit të ditës së sotme
-
Gjithçka që ndryshon në Austri nga muaji maj
-
Katër liqene të bukura, tek të cilat mund të shkoni lehtësisht nga Vjena me transport publik