Kuriozitete
Apple ka tejkaluar për herë të parë shifrën e fitimit prej 100 miliardë dollarësh në një tremujor
Duket se kompania amerikane ka rritur shitjet dhe fitimet në vlera deri tani të papara – pavarësisht krizës së koronavirusit. Apple i ka tejkaluar vlerat milionëshe të xhiros së sipërmarrjes, përcjell albinfo.ch.
Për sa i përket shitjeve, Apple ka tejkaluar për herë të parë shifrën prej 100 miliardë dollarë në një tremujor – e kjo madje bindshëm. Më parë, vetëm gjigandi i supermarketeve Walmart dhe kompania e naftës Exxon Mobil kanë pasur suksese të ngjashme në Shtetet e Bashkuara të Amerikës.
Saktësisht 111,44 miliardë dollarë, shitjet e Apple janë rritur në tremujorin e fundit me 21 për qind, krahasuar me një vit më parë. Këto shitje më së shumti janë rritur në kohën e Krishtlindjes, njoftoi koncerni. Fitimi i Apple është rritur me 29 për qind dhe ka arritur vlerën e 28,7 miliardë dollarëve – që gjithashtu është rekord i këtij koncerni amerikan.
Përfitime prej pandemisë së koronavirusit
Pajisjet e Apple janë shitur më shumë në të gjithë botën. Duket se ndalimi apo kufizimi i lëvizjeve ka ndikuar dukshëm në rritjen e shitjes së pajisjeve të këtij koncerni. Apple ka përfituar edhe nga vendimet e shumë sipërmarrjeve, të cilat kanë kërkuar që punonjësit e tyre të punojnë nga shtëpia. IPhone 12 me aftësi 5G dhe një përzgjedhje më e madhe e modeleve të tjera të Apple ka tërhequr shumë klientë, por janë shitur shumë edhe kompjuterët Mac dhe iPad. Rritjes dhe fitimeve u kanë kontribuar shumë edhe shërbimet e ofruara përmes internetit.
Në nëntor kompania nga Silicon Valley promovooi laptopin e saj të parë me çip të vetin dhe në këtë mënyrë vulosi largimin e saj nga partneri i kahershëm Intel. Megjithatë ngjashëm me industrinë e automjeteve ose dhe Microsoft, edhe Apple ka pasur kohët e fundit pengesa në ofrimin e prodhimeve të veta për shkak të pandemisë Corona.
Të ngjashme
Të tjera nga Kuriozitete
E-Diaspora
-
Nju-Jork: Baleti Kombëtar i Kosovës me dy shfaqje Bëhet e ditur se Baleti Kombëtar i Kosovës, do të realizojë edhe një paraqitje tjetër të...
-
Belgjikë: Kori “Siparantum” do të dhuroj paraqitje dinjitoze
-
Çikago: Pianistja Anila Aliu, me koncert recital
-
Sopranoja Elbenita Kajtazi ndan bursa vjetore për studentët shqiptarë të muzikës
-
BQK: Mbi 112 milionë euro i sollën mërgimtarët në Kosovë vetëm gjatë marsit
Jeta në Austri
-
Katër liqene të bukura, tek të cilat mund të shkoni lehtësisht nga Vjena me transport publik Pranvera është këtu dhe vera është rrugës. Është koha e përsosur e vitit për të vizituar...
-
Sa vite duhet të punoni në Austri që të keni të drejtën e pensionit?
-
Austrian Airlines arrin marrëveshje pagash me punëtorët për të shmangur grevat e reja
-
Katër gjëra që duhet të dini para se të regjistroni fëmijën tuaj në një kopsht fëmijësh në Vjenë
-
A mund të marr përfitime papunësie në Austri nëse jam i vetëpunësuar?