Sasi rekorde e borës në Zvicër

Sasi e madhe bore ka rënë edhe në pjesët e rrafshta, ku trashësia e borës në shumë vende arrin në më shumë se 30 centimetra

72 centimetra dëborë në Disentis, 60 centimetra në Weissfluhjoch (GR), 55 centimetra në Ilanz: bëhet fjalë për sasi rekorde dëbore po bien aktualisht në Zvicër.

Pikat e përmendura janë male, alpe, ku dhe më parë kishte borë, por centimetrat e shënuar kanë të bëjnë vetëm me shtresën e re të borës që ka rënë në 24 orët e fundit.

Ndërkaq sasi e madhe bore ka reshur edhe në rrafshira, ku trashësia e borës së së re në shumë vende arrinte në më shumë se 30 centimetra.

Kështu në Cyrih-Kloten (lokaliteti ku ndodhet aeroporti i Cyrihut)  është matur 33 centimetra borë e freskët, përcjell albinfo.ch.

Vetëm dy herë më shumë dëborë brenda 24 orëve është regjistruar që nga fillimi i matjeve të borës, në vitin 1958. Në vitin 2006 kishte 48 centimetra në një ditë, në muajin mars.

Në Alpet e Glarusit, brenda dy ditëve të fundit, janë matur 96 centimetra dëborë e re. Kjo është trashësia e dytë, e matur atje që nga viti 1960, thotë meteorologu Jan Eitel nga SRF Meteo.

“Por, në pjesë të tjera të Alpeve qendrore dhe lindore në zonën e lartë alpine ka pasur vende vende më shumë se një metër dëborë të freskët”, shprehet Eitel.

---