Lajme
Ministri i Jashtëm italian: Të sigurohen vaksina për Ballkanin
Italia nuk është tërhequr në këtë situatë të vështirë dhe ka dhënë, falë mundësive kombëtare ushtarake në fushën e mjekësisë, kontributin e saj në mbështetje të autoriteteve kosovare në luftën kundër Covid-19, deklaroi sot ministri i Jashtëm italian, Luigi Di Maio.
”Ashtu siç po i kërkojmë Komisionit Europian përshpejtimin e blerjes së vaksinave në favor të qytetarëve italianë, tani e konsideroj të rëndësishme dhe urgjente që Komisioni, përveç iniciativave të planifikuara tashmë, të marrë përsipër një iniciativë kushtuar posaçërisht blerjes së drejtpërdrejtë dhe sa më shpejt të jetë e mundur të dozave të vaksinave për Ballkanin Perëndimor, i vënë në provë të vështirë nga kjo pandemi”, theksoi Di Maio gjatë fjalës përshëndetëse drejtuar kontigjentit italian në Kosovë.
“Siç e shpjegoi edhe komisionerit Varhelyi, një iniciativë e tillë do të lejonte, e para, një mbulim adekuat dhe në kohë të vaksinimit në vendet e Ballkanit Perëndimor, në interes të Europës e veçanërisht të Italisë, në dritën e kontakteve intensive midis komuniteteve dhe vendeve tona”, shtoi ai.
”Dhe e dyta do t’u jepte partnerëve tanë në Ballkan një sinjal të rëndësishëm të afërsisë dhe solidaritetit konkret, në përputhje me mbështetjen tonë për rrugën e tyre europiane”, shtoi Di Maio.
”E treta, për të parandaluar që një boshllëk i iniciativës europiane të plotësohej nga aktorë të tjerë konkurrues”, përfundoi ai/ANSA.
E-Diaspora
-
Kosova dhe Shqipëria në krye të kërkesave për bashkim familjar në Gjermani Pavarësisht shtrëngimit të politikave të imigracionit në Gjermani, qytetarët nga Kosova dhe Shqipëria mbeten ndër aplikuesit... -
Mbi 18 mijë votues nga Zvicra për zgjedhjet në Kosovë -
Leyla Ibrahimi-Salahi uron udhëtarët: “Na pret një 2026 plot risi” -
Traditë shqiptare e Krishtlindjes që ndriçon një lagje zvicerane -
Fehmi Mahalla: Nga Ferizaj në Lozanë, kampion dhe trajner i kampionëve
Jeta në Austri
-
Ekspertët kosovarë që shkëlqejnë në Evropë: Dr. MDSc Genc Zenunaj pjesë e rastit të parë “Guided Quad Zygoma” LUMC, Holandë Në Departamentin e Kirurgjisë Maksillofaciale në LUMC u krye me sukses ndërhyrja e parë “Guided Quad... -
Vjenë: Procesi i votimit në ambasadë po vazhdon në mënyrë të rregullt -
Sulmohet me armë xhamia e shqiptarëve në Austri -
Trump dëshiron ta shkëpusë Austrinë nga BE-ja -
Austria do të vazhdojë angazhimin e saj në KFOR, deri në 600 ushtarë në vitin 2026
