Lajme
Austria hap resortet e skive, qytetarët ndihen të gëzuar në kohë pandemie
Austria ka hapur resortet e skive, pavarësisht izolimit total. Kjo, pasi sportet rekreative si snowboard dhe skitë janë të përjashtuar nga kufizimet e lëvizjes.
Gjermania dhe Italia kishin kërkuar mbylljen e tyre në Evropë gjatë pushimeve, por shumë vende, si Austria dhe Zvicra, refuzuan. Me kufizimin e udhëtimeve në fuqi, të paktën vendasit mund të argëtohen në vende si mali Goldek, në jug të Austrisë, raporton Euronews, përcjell Albinfo.ch.
Këtë fundjavë, pak njerëz qëndruan në shtëpi. Shumë resorte austriake skish arritën kapacitetet dhe rrugët u mbyllën nga policia.
Por vizitorëve iu desh t’i merrnin ushqimet me vete, pasi bujtinat ishin të mbyllura për shkak të masave. Përveç kësaj, mbajtja e maskave mbrojtëse në kabina ishte e detyrueshme.
“Ne të dy po i mbajmë veshur maskat vetëm e vetëm për t’u mbrojtur nga frymëmarrjet që mund të akumulohen në një kabinë si kjo këtu. Ndaj u jam mirënjohës mysafirëve tanë që me kaq disiplinë po veprojnë në përputhje me këtë kërkesë. Dhe besoj se nëse vazhdojmë kështu, atëherë skitë janë të padëmshme dhe të shëndetshme edhe në kohë si këto”, shprehet Marcus Kaller, menaxher resorti.
Përveç pistave të skive dhe atyre të patinazhit, Austria është gati e lënë. Vendi ka hyrë në bllokadën e tretë, më dyqanet, restorantet dhe shkollat të mbyllura.
Sipas autoriteteve, është e rëndësishme në aspektin psikologjik që qytetarët të mund të argëtohen në ajër të pastër, si për shembull, në pistën më të madhe të akullit në Evropë, liqeni Vajsenzee.
E-Diaspora
-
Një shqiptaro-zvicerane ambicioze, në Kancelarinë Federale të Zvicrës Drenusha Hajdini punon në Kancelarinë Federale të Zvicrës. Ajo flet për albinfo.ch rreth postit që mban,...
-
Jehon kënga e vallja shqipe në sheshin e qytetit Thun
-
Shqipëri: A do të mundësohet vota e emigrantëve në zgjedhjet 2025?
-
Sot fillon në Cyrih Festivali i Filmit “Kino Kosova”
-
Vjenë
Vjenë: Kori Siparantum, edhe me një paraqitje në skenën prestigjioze
Jeta në Austri
-
Nomadët digjitalë: Kush mund të punojë në distancë në Austri? Pandemia e Covid-19 solli një epokë të re të mundësive të punës në distancë, por të...
-
Lajmet kryesore të Austrisë për këtë të enjte
-
“Haushaltsversicherung”: Si funksionon sigurimi i shtëpisë në Austri?
-
Vjenë
Vjenë: Kori Siparantum, edhe me një paraqitje në skenën prestigjioze
-
Kandidatja për eurodeputete, Kati Schneeberger, hap në Vjenë ekspozitën “Rezistenca paqësore në Kosovë 1990-1998