Regjistrohet edhe rasti i tretë i virusit të ri – të tre, në Zvicrën gjermane

BAG nuk ka pranuar të zbulojë se për cilat kantone është konkretisht fjala. Personat që kanë pasur kontakte me të infektuarit tashmë janë në karantinë

Varianti i ri i virusit VOC-202012/01 deri më tani është shfaqur në tri mostra në Zvicër.  Të tre rastet janë regjistruar në Zvicrën gjermanofolëse, ka konfirmuar Zyra Federale e Shëndetit Publik (BAG) për gazetën “SonntagsZeitung”.

BAG nuk ka pranuar të zbulojë se për cilat kantone është konkretisht fjala. Personat që kanë pasur kontakte me të infektuarit tashmë janë në karantinë, transmeton albinfo.ch.

Në këto raste, sqarohen edhe kontaktet e këtyre të fundit dhe, nëse është e nevojshme, edhe ata duhet të futen në karantinë.

Në prag të Krishtlindjes, më 24 dhjetor, BAG ksihte komunikuar dy rastet e para të virusit që ka pësuar mutacion në Zvicër. Personat e prekur janë banorë në Mbretërinë e Bashkuar dhe kanë rezultuar pozitivë për koronavirusin gjatë qëndrimit  në Zvicër.

Mostrat e tyre janë përpunuar në Qendrën Kombëtare të Referencës për Sëmundjet Virale të paraqitura rishtas, në Gjenevë

---