Rekord: 33,777 raste të reja me koronavirus në Gjermani

lucas law Avatar of user lucas law lucas law @lucaslaw__ @lucaslaw__

Gjermania raportoi sot 33,777 raste të reja me koronavirus, raste këto të  konfirmuara në 24 orët e fundit nga Instituti gjerman, transmeton albinfo.ch.

Duhet theksuar se kjo ishte hera e parë që Gjermania regjistron mbi 30,000 raste të reja në ditë.

Instituti Robert Koch raportoi edhe për 813 viktima të premten.

Kjo është shifra e dytë më e lartë e viktimave, nga kur ka nisur pandemia në muajin mars.

Në total, Gjermania ka regjistruar mbi 1.4 milion të infektuar dhe gati 25,000 viktima.

Vendi është futur këtë javë në një bllokadë të ashpër, duke mbyllur shkollat dhe bizneset jothelbësore, për të frenuar rritjen e mprehtë të infektimeve me koronavirus.

Masat do të jenë në fuqi deri më 10 janar, ndërsa do të lehtësohen fare pak për Krishtlindje.

Lothar Wieler, udhëheqës i Institutit Robert Koch, i cili mbikëqyr situatën me koronavirus në Gjermani, ka thënë se gjendja është “më serioze se kurrë”.