Shkolla Shqipe LAPSH në Cyrih, uron festën e 28 Nëntorit me aktivitete të ndryshme

Pasi që në këtë vit, për shkak të situatës pandemike, nuk do të ketë ndonjë organizim të madh si herave tjera, Shkolla Shqipe LAPSH-Cyrih, edhe këtë vit uron festën e 28 Nëntorit me disa aktivitete në shkollat shqipe në këtë kanton, transmeton albinfo.ch.

Më poshtë mund të lexoni postimin e plotë:

Të dashur nxënës, Të nderuar prindër, Të nderuara mësuese/Të nderuar mësues, Te respektuar dashamirës të arsimit,

LAPSH për kantonin e Cyrihut festën e 28 Nëntorit – ditën e Pavarësisë së Shqipërisë e ka festuar çdo vit me nxënësit, prindërit, dhe mësimdhënësit. Këtë vit, për shkak të situatës së krijuar me Pandeminë, nuk do të kemi mundësinë të festojmë të gjithë së bashku, por ne mësimdhënësit do ta shënojmë këtë festë me aktivitete të ndryshme nëpër të gjitha pikat shkollore në kantonin e Cyrihut ku mbahet mësimi plotësues në Gjuhën shqipe. LAPSH “N. Frashëri” për kantonin e Cyrihut ju uron festat e lavdishme të nëntorit. Në emër të LAPSH “N. Frashëri” për kantonin e Cyrihut,

Naser Ulaj, kryetar