Çmimi vjetor për Kulturë i Komunës Emmen, në duar të Bujar Berishës

Ai është vlerësuar si muzikant në grupin "Die Diebe", si shkrimtar, skenarist, producent muzikor, reporter, fotograf, artist grafik, stilist dhe krijues filmash

Çmimi i Kulturës për vitin 2020, i Komunës Emmen në Kantonin e Lucernit për 2020 shkon për artistin e gjithanshëm, Bujar Berisha. Ai merr çmimin, i cili ka edhe vlerën monetare prej 3.000 frangash, shkruan Luzerner Zeitung.

Berisha vlerësohet kështu për punën e tij të larmishme artistike, si muzikant, shkrimtar dhe kineast.

Këshilli i Qytetit i Emmenit e ndan këtë çmim sivjet për herë të nëntë, tranmseton albinfo.ch. Berisha, i lindur në Kosovë në vitin 1984, nderohet për artin e tij multidisiplinar në komunën e Emmenit, thuhet veç tjerash në një deklaratë të publikuar të mërkurën nga komuna.

Ai mbështet ballafaqimin kritik të individit me shoqërinë. Si muzikant në grupin “Die Diebe”, si shkrimtar, skenarist, producent muzikor, reporter, fotograf, artist grafik, stilist dhe krijues filmash, ai ndërthur disiplina të ndryshme kulturore dhe kështu promovon diversitetin kulturor në Emmen dhe rajon”.

“Çmimi i Kulturës më jep një shtysë të mëtejshme për punën time”, thotë Bujar Berisha, duke folur për përjetimin e tij të këtij çmimi, përcjell albinfo.ch. “Kjo më tregon se jam në rrugën e duhur dhe se arti im kuptohet”.

Një projekt tjetër nga artisti Emmer është Shtëpia “Brünig Friends of Nature” në kuartin Emmenbrücke. “Unë do të doja që paratë e çmimit t`i investoja në qendrën tonë të re kulturore”, thotë i lumtur Berisha.

“Do të jetë një vend artistik ku artistët mund të interpretojnë.” Janë planifikuar dy studio për aktivitetet krijuese të mysafirëve kulturorë.

Projektet e ardhshme të Bujar Berishës janë të larmishme, përcjell albinfo.ch. “Die Diebe” janë duke punuar në një kalendar vjetor dhe me grupin “Die Die Be” një album i ri do të dalë më 27 nëntor 2020 me edicionin me të njëjtin emër.

albinfo.ch ka ndjekur karrierën e Bujar Berishës si në fushë të muzikës dhe arteve tjera ashtu dhe në atë të politikës. Berisha ka qenë veç tjerash, për dy mandate asamblist nga Partia Socialdemokrate në komunën e tij, Emmen.

---