Lajme
Mjekët testojnë nëse COVID-19 mund të shkaktojë diabetin
Mario Buelna, një baba i shëndetshëm 28-vjeçar, mori ethe dhe filloi të kishte probleme me frymëmarrjen në qershor. Ai doli pozitiv për COVID-19. Javë më vonë, pas asaj që dukej si një shërim, ai u ndje i dobët dhe filloi të vjella.
Në 3 të mëngjesit më 1 gusht ai ra në dyshemenë e shtëpisë së tij në Mesa, Arizona. Mjekët e ndihmës e dërguan menjëherë në një spital aty pranë, ku e vunë në kujdes intensiv, pasi e shpëtuan nga koma. Ata i thanë se mund të kishte vdekur. Diagnoza e tyre – diabeti i tipit 1 – e tronditi dhe e trembi atë. Ai nuk kishte histori të sëmundjes.
“COVID e shkaktoi atë”, mjekët i thanë. Rasti i Buelna-s dhe raste të ngjashme pasqyrojnë një shqetësim të ri në lidhje me marrëdhënien e rrezikshme midis diabetit dhe COVID-19 që po studiohet urgjentisht nga mjekët dhe shkencëtarët në gjithë botën.
Shumë ekspertë janë të bindur se COVID-19 mund të shkaktojë shfaqjen e diabetit – madje edhe në disa të rritur dhe fëmijë që nuk kanë faktorë tradicionalë të rrezikut. Tashmë është dokumentuar mirë që njerëzit me diabet përballen me rreziqe shumë më të larta të sëmundjes së rëndë ose vdekjes nëse kontraktohen me COVID-19.
Në korrik, zyrtarët shëndetësorë amerikanë zbuluan se gati 40% e njerëzve që kanë vdekur me COVID-19 kishin diabet. Tani, raste si Buelna sugjerojnë që lidhja midis sëmundjeve shkon në të dy anët. “COVID mund të shkaktojë diabet nga e para”, tha Dr. Francesco Rubino, një studiues i diabetit dhe kryetar i kirurgjisë metabolike dhe bariatrike në King’s College në Londër.
Rubino po udhëheq një ekip ndërkombëtar që po mbledh raste pacientësh globalisht për të zbuluar një nga misteret më të mëdha të pandemisë.
Fillimisht, ai tha, më shumë se 300 mjekë kanë aplikuar për të ndarë rastet për rishikim, një numër që ai pret të rritet ndërsa infeksionet shpërthejnë përsëri. “Këto raste po vijnë nga çdo cep i botës dhe çdo kontinent”, i tha Rubino Reuters, përcjell albinfo.ch.
E-Diaspora
-
Hapet në Toronto Java e Kulturës së Kosovës Mbrëmjen e së shtunës në Toronto është hapur Java e Kulturës së Kosovës në Kanada me...
-
Cyrih: Zhvillohet seminari “Institucionalizimi i mësimit plotësues të gjuhës shqipe në diasporë – Zvicër”
-
Paraqitet si kroat, me pasaportë false – burgoset muratori nga Kosova
-
Ka shantazhuar një të burgosur: 8 muaj shtesë për kosovarin e dënuar me 16.5 vjet burgim
-
Kryediplomati shqiptar, Igli Hasani, takon homologun e tij nga Zvicra, Ignazio Cassis
Jeta në Austri
-
Planifikonte sulm në Graz të Austrisë, arrestohet 14-vjeçarja me origjinë nga Mali i Zi Policia austriake raportohet të ketë arrestuar një 14-vjeçare me origjinë nga Mali i Zi nën dyshimet...
-
A duhet të kryejnë shërbimin e detyrueshëm ushtarak të Austrisë personat me shtetësi të dyfishtë?
-
Rreth 350 biznese nga diaspora dhe Kosova u mblodhen në Prishtinë
-
Si po e ndryshon motin në Austri ngrohja globale?
-
Lajmet më të fundit të së enjtes në Austri