Lajme
Shqipëri: 290 milionë euro më pak të ardhura
Ecuria e treguesve buxhetorë, veçanërisht në drejtim të të ardhurave tregon se ekonomia po rimëkëmbet me hapa të ngadaltë dhe është ende larg situatës normale të para pandemisë.
Gjatë 9-mujorit buxheti grumbulloi 307.8 miliardë lekë, duke pësuar një rënie prej 35.7 miliardë lekë ose rreth 290 milionë euro kundrejt të njëjtës periudhë të një viti më parë.
Për janar- shtator, rënia më e madhe erdhi nga tatimi mbi të ardhurat personale me rreth 94 milionë euro, ose 31.1% më pak se në 2019-ën, për shkak të mbylljes së dhjetëra-mijëra vendeve të punës si pasojë e Covid-19.
Shtyrja e pagesave të tatimit mbi fitimin në ndihmë të bizneseve të prekura nga pandemia ka bërë që edhe të ardhurat e mbledhura nga kjo taksë të tkurren ndjeshëm me rreth 26.6%.
Rënie kanë shënuar gjithashtu edhe të ardhurat e grumbulluara nga TVSH-ja me rreth 10% për 9-mujorin e këtij viti, taksë e cila siguron rreth 40% të të ardhurave totale në buxhet.
Por, teksa të ardhurat në arkën e shtetit kanë rënë ndjeshëm, shpenzimet nga ana tjetër kanë ndjekur kahun e kundërt.
Të dhënat e Financave tregojnë se për janar- shtator shpenzimet arritën në 366.2 miliardë lekë, rreth 20.4 miliardë lekë më shumë se e njëjta periudhë e vitit të kaluar, rritje e cila ka ardhur për plotësimin e dy paketave financiare në mbështetje të bizneseve dhe individëve të prekur nga kriza.
Një ecuri e tillë e të ardhurave dëshmon se ekonomia e vendit gjendet në vështirësi të mëdha, çka mund të detyrojë qeverinë të ulë ndjeshëm shpenzimet për investime./TCH
E-Diaspora
-
Tifozët Kuq e Zi protestojnë para FSHF-së, kundërshtojnë organizimin e përbashkët Shqipëri-Serbi Tifozat Kuq e Zi kanë protestuar mëngjesin e kësaj të hëne para zyrave të Federatës Shqiptare...
-
Puna në qiell të jep ndjenjën e paqes
-
Hapet në Toronto Java e Kulturës së Kosovës
-
Cyrih: Zhvillohet seminari “Institucionalizimi i mësimit plotësues të gjuhës shqipe në diasporë – Zvicër”
-
Paraqitet si kroat, me pasaportë false – burgoset muratori nga Kosova
Jeta në Austri
-
A do të kufizojë Hallstatt i Austrisë turizmin këtë sezon? Një nga fshatrat më të bukur dhe më të mbushur me njerëz të Austrisë po kërkon...
-
Planifikonte sulm në Graz të Austrisë, arrestohet 14-vjeçarja me origjinë nga Mali i Zi
-
A duhet të kryejnë shërbimin e detyrueshëm ushtarak të Austrisë personat me shtetësi të dyfishtë?
-
Rreth 350 biznese nga diaspora dhe Kosova u mblodhen në Prishtinë
-
Si po e ndryshon motin në Austri ngrohja globale?