Dhurohen mjete mësimore në shkollën shqipe në Bavari

Mësimi plotësues në gjuhën shqipe mbetet një nga prioritetet më të rëndësishme të Konsullatës së Përgjithshme të Kosovës në Mynih dhe të institucioneve të Republikës së Kosovës

Shkolla shqipe në Bavari të Gjermanisë ka nisur sërish mësimin për nxënësit e mërgimtarve tanë atje, shkruan albinfo.ch.

Konsullata e Përgjithshme, bëri furnizimin me mjete mësimore të shkollës shqipe në Bavari.

Mësimi plotësues në gjuhën shqipe mbetet një nga prioritetet më të rëndësishme të Konsullatës së Përgjithshme të Kosovës në Mynih dhe të institucioneve të Republikës së Kosovës. Për të siguruar dhe mundësuar mbarëvajtjen e këtij procesi konsullata nuk kursen as kohë e as kapacitete të tjera.

Për mosngecjen e procesit mësimor në mungesë të materialit shkollor, organizimi dhe menagjimi i shpejt i sjelljes së menjëhershme të librave dhe mjeteve mësimore nga Vjena në Mynih, për konsullin z. Labinot Gucati dhe bashkëpuntorin e konsullatës z. Shqipdon Januzaj ishte sa privilegj aq edhe përgjegjësi.

Ndërsa kryetari dhe pjesëtarët e kryesisë së LAPSH-it si çdo herë aktiv dhe të angazhuar, menjëherë bënë pranimin e këtyre mjeteve mësimore për t‘i shpërndarë sa më shpejt tek nxënësit e mësimit plotësues të gjuhës shqipe.

Andaj, prindër të nderuar mos hezitoni t’i dërgoni fëmijët në mësimin plotësues të gjuhës shqipe, e ju nxënës të dashur jeni të mirëseardhur në shkollën shqipe në Bavari. /Albinfo.ch

---