Lajme
Në Vjenë filloi viti i ri shkollor për mësimin e gjuhës shqipe
Porosia e Rilindësve tanë, e shkruar me gjakun e tyre për dje, sot, e nesër, mbetet aktuale edhe në ditët e sotme, bile ndoshta, më fuqishëm se kurrë!
Pas pushimeve verore, në Vjenë filloi viti i ri shkollor, ku shumë shkolla i hapen dyert për të gjithë nxënësit. Edhe shkollat shqipe në Vjenë filluan vitin shkollor 2020-2021, shkruan albinfo.ch.
Krahas mësimit të rregullt në gjuhën gjermane, fëmijët me origjinë shqiptare kanë mundësi të vijojnë edhe mësimin në gjuhën e vendit prej nga vijnë.
Madje, duke e parë rëndësinë e gjuhës amtare, rolin e saj në zhvillimin e përgjithshëm te nxënësi, si në aspektin kulturor e edukativ, ashtu edhe nxënien e njohurive të përgjithshme për origjinën e tij, pavarësisht pandemisë, shkollat shqipe startuan me siguri dhe masa të duhura, shkruan tutje albinfo.ch.
Të nderuara motra e vëllezër!
Viti shkollor 2020-2021 filloi, gjuha shqipe thërret!
Thërret porosia e Rilindësve tanë, e shkruar me gjakun e tyre për dje, sot, e nesër.
I shenjti i shkronjave shqipe, Papa Kristo Negovani, tha fjalët e fundit:
“Vramëni, po mblidhmani gjakun se do t’u duhet nipave për të shkruar gjuhën shqipe”.
Porosi madhore, më shumë se hyjnore, më shumë se gjaku: barazi me LIRINË!
A, mundemi të mos dëgjojmë!
A, mundemi të mos veprojmë!
Patriotizmi nuk është fjalë, është më shumë, është vepër, është djersë e përkushtim!
Kjo nuk i ka munguar shqiptarit, nuk i mungon, nuk do t’i mungojë!
Gjuha shqipe është gjuhë e zemrës e çdo shqiptari.
Kudo!
Fjala shqip ka rrënjë, ka lule, ka plis!
Ka tastierë, ka këngë, ka dëgjim, ka adhurim, ka valle, ka dashuri,
Ka ATDHE!
Detyrim: Përkushtimin për fëmijët tanë! Pa gjuhë, s’jemi shqiptarë!
Jemi pa identitet, pa shpirt, pa dinjitet, jemi pa liri!
Përpara drejt shkronjave!
Dijes!
Dija është forcë mbi forca!
Urime!
Të ngjashme
Të tjera nga Lajme
E-Diaspora
-
Regjistrimi i popullsisë: Diaspora mund të regjistrohet online deri më 31 gusht Qeveria e Republikës së Kosovës ka zhvilluar një mbledhje elektronike, në të cilën, me kërkesë të...
-
Katër mërgimtarët që udhëtuan nga Zvicra në Strugë me biçikletë
-
Kosovë: Në 11 komuna shtyhet regjistrimi i popullsisë deri më 24 maj, për diasporën deri 31 gusht
-
Rreth 350 biznese nga diaspora dhe Kosova u mblodhen në Prishtinë
-
Ermonela Jaho me performancë në Royal Opera House, në skenë me të ngjitet edhe Mbreti Charles III
Jeta në Austri
-
Rreth 350 biznese nga diaspora dhe Kosova u mblodhen në Prishtinë Në 10 vjetorin e themelimit të Rrjetit Global të Bizneseve Shqiptare, sot në Prishtinë është mbajtur...
-
Si po e ndryshon motin në Austri ngrohja globale?
-
Lajmet më të fundit të së enjtes në Austri
-
Qeveria austriake ndan edhe këtë vit bonus: Nga 145 -290 euro për secilin qytetar të saj
-
Si po e bën Austria më të lehtë imigrimin e punonjësve të huaj shëndetësorë?