Propozohet test për qytetarët e Kosovës që kalojnë nëpër Maqedoni

Keystone EPA/GEORGI LICOVSKI

Është bërë e ditur se shtetasit e Kosovës, të cilët kalojnë tranzit në Maqedoninë e Veriut, do të duhet të kenë test negativ PCR për koronavirus, përcjell albinfo.ch.

Testi negativ PCR për koronavirus nuk duhet të jetë më i vjetër se 72 orë.

“Komisioni për Sëmundje Infektive, në mbledhjen e saj të mëngjesit, mori vendim që të zbatohet testimi i detyrueshëm PCR për udhëtarët nga Kosova që kalojnë nëpër Republikën e Maqedonisë së Veriut. Udhëtarët tranzitë në vendkalimin kufitar duhet të tregojnë një test PCR negativ jo më të vjetër se 72 orë”, thuhet në deklaratën e Ministrisë së Shëndetësisë.

Ky propozim i komisionit do të dërgohet në Qeverinë e Maqedonisë së Veriut.