Lajme
Dy të tretat e diplomatëve në Bernë nuk i paguajnë gjobat e trafikut
Falë imunitetit të tyre diplomatik, nuk ka pasoja për ta edhe nëse i injorojnë gjobat që u vijnë në adresë
Rreth 1.500 gjoba u janë shqiptuar diplomatëve në Bernë vitin e kaluar. Vetëm një e treta e këtyre gjobave të trafikut janë paguar. Qyteti në këtë mënyrë është dëmtuar për dhjetëra mijëra franga.
Në Zvicër, gjobat e shqiptuara u dërgohen diplomatëve. Por, nëse nuk bëhet pagesa, kjo nuk ka pasoja. Kjo, pasi që përfaqësuesit e vendeve të tyre në Zvicër, i mbron imuniteti i tyre diplomatik.
Makina mund të aksidentohet, të parkohet gabimisht etj., dhe kjo mund t`i kushtojë shumë secilit që i ndodhin gjëra të tilla të pakëndshme. Por, 800 diplomatët që përfaqësojnë vendet e tyre në Bernë, nuk duhet të shqetësohen për këtë, shkruan gazeta e Bernës “Der Bund”.
Falë imunitetit të tyre diplomatik, nuk ka pasoja për ta edhe nëse i injorojnë gjobat që u vijnë në adresë. Shumica e diplomatëve duket se janë të vetëdijshëm për këtë fakt: vetëm një e treta prej tyre kanë paguar gjobat në trafik që kanë marrë vitin e kaluar, transmeton albinfo.ch. Si rezultat, qyteti i Bernës ka humbur mbi 70.000 franga në vitin 2019.
Megjithatë, statistikat tregojnë se diplomatët janë përmirësuar në krahasim me vitet e mëparshme, përcjell albinfo.ch. Për shembull, në vitin 2010, ishin paguar më pak se dhjetë për qind e gjobave të shqiptuara.
Arsyeja për mbrojtjen ligjore, e cila veç tjerash mbron diplomatët nga gjobat e trafikut, është Traktati i Vjenës për marrëdhëniet diplomatike. Ai thotë se nuk lejohet ndjekja penale për shkelje të caktuara të rregullave të trafikutr nga makinat e ambasadave .
Të ngjashme
Të tjera nga Lajme
E-Diaspora
-
“Më të kërkuarat janë fanellat e Zvicrës dhe ato të Shqipërisë” Pas fanellës së Zvicrës, e dyta më e kërkuar është aktualisht fanella e Shqipërisë, thotë shitësi...
-
Prokuroria kërkon 18 vjet burgim për autorin e vrasjes së Shqiponja Isufit
-
Adem Dalipi vendos shallin me shqiponjë në diplomimin e tij në Amerikë
-
Rama takohet me emigrantët shqiptarë në Milano më 26 maj
-
Itali, shpallen në kërkim 4 shqiptarë për këto arsye
Jeta në Austri
-
Si po e ndryshon motin në Austri ngrohja globale? Ngjarjet ekstreme të motit kanë shënuar pothuajse çdo muaj të vitit 2023 në Austri. Ekspertët thonë...
-
Lajmet më të fundit të së enjtes në Austri
-
Qeveria austriake ndan edhe këtë vit bonus: Nga 145 -290 euro për secilin qytetar të saj
-
Si po e bën Austria më të lehtë imigrimin e punonjësve të huaj shëndetësorë?
-
A mund të blejnë të huajt prona në Austri?