Vapë e madhe në Zvicër: Rekordi, 36.9 gradë, u arrit në Bazel

Pak para orës 17.00 të pasdites, temperatura në Rajnë u ngrit në 36.9 gradë

Siç ishte paralajmëruar dy ditë më parë nga Meteoswiss, temperaturat e larta dhe vapa kanë kapluar tashmë pjesën më të madhe të Zvicrës

Ato kanë arritur nivelin e tyre të deritashëm vjetor, të premten, në Bazel, shkuan srf.ch.

Në këtë qytet që shpesh karakterizohet nga tempratura më të larta se pjesa tjetër e Zvicrës, pika e 35 shkallëve u tejkalua në orët e para të pasdites, transmeton albinfo.ch. Ndërsa pak para orës 17.00 të pasdites, temperatura në Rajnë u ngrit në 36.9 gradë.

Sipas të dhënave nga Meteoswiss dhe Zyra Federale për Meteorologji dhe Klimatologji, sot, temperatura është ngritur mbi 36 gradë edhe në disa vende të tjera. Meteonews rendit në këtë listë ndër të tjera edhe lokalitetet si Beznau dhe Würenlingen të kantinit Aargau.

Ndërsa 35.4 gradë janë matur në Cyrih dhe 33.1 gradë në Bernë. Shumë nxehtë ishte edhe në Gjenevë, ku u shënua temperatura prej 35.5 gradësh, përcjell albinfo.ch.

Veriu, befasisht ka kapërcyer Zvicrën Jugore për dy deri në tri gradë.

Temperatura të larta, mbi 36 gradë priten gjithashtu edhe të shtunën, më 1 gusht.

Kjo mund të thyejë rekordin e të gjitha kohëve sa i përket festës nacionale i cili deri tash është 35.6 gradë, transmetopn albinfo.ch. Kjo temperaturë është matur më 1 gusht të vitit 2018 në Cyrih-Kloten.

---