Në tremujorin e dytë (TM2) të vitit 2020, numri i pasagjerëve që kanë shfrytëzuar trenin si mjet udhëtimi është rreth 7 mijë, që krahasuar me TM2 2019, numri i udhëtarëve është zvogëluar për -76.85%. Kjo ka ndodhur si pasojë e Vendimit të Qeverisë (në muajin mars) për masat e ndërmarra në luftimin e COVID-19 , kur transporti i udhëtareve është ndërprerë deri në muajin maj.

Transporti i mallrave me tren, në tremujorin e dytë të vitit 2020, ishte rreth 144 mijë ton, dhe krahasuar me tremujorin e njëjtë të vitit 2019 ka një rënie prej -5.70%.

Sa i përket numrit të fluturimeve, në TM2 2020 ishte 94 fluturime, që në raport me tremujorin e njëjtë të vitit të kaluar (TM2 2019) ka një rënie prej -96%. Numri i udhëtarëve që kanë shfrytëzuar aeroplanin si mjet transporti gjatë këtij tremujori ishte rreth 19 mijë, e që në raport me tremujorin e njëjtë të vitit të kaluar (TM2 2019) ka një rënie për -96.79%, shkruajnë mediat kosovare, përcjell albinfo.ch