Slloveni, 24 të prekur me covid erdhen nga shtetet ballkanike

Dy qytetarë të prekur me koronavirus udhëtuan nga Kosova në Slloveni

Autoritetet sllovene reaguan për 24 raste të të infektuarve që erdhën nga shtetet ballkanike, 8 nga Kroacia, 7 nga Bosnjë dhe Hercegovina, 4 nga Serbia, 3 nga Mali i Zi, 2 nga Kosova, transmeton albinfo.ch.

Në konferencën për shtyp për situatën aktuale në lidhje me COVID-19 në Slloveni, konkluzionet e deritanishme u prezantuan nga Shefi i Qendrës së Sëmundjeve Infektive në Institutin Kombëtar të Shëndetit Publik, Mario Fafangel.

Në javën e fundit, nga 29 qershori deri më 5 korrik, Sllovenia regjistroi 132 raste të infeksionit me koronavirus.

12 raste të reja ishin raste kontakti të drejtpërdrejtë me infeksionet e sjella nga jashtë, ndërsa 73 raste kishin të bënin me një burim lokal të infeksionit. /Albinfo.ch

 

---