Lajme

Japonia ndihmon me 700 mijë dollarë sektorin e shëndetësisë në Kosovë

E hënë, 6 Korrik 2020 - 16:20 albinfo.ch

photo:Armend Zemaj/Facebook

Ministri i Shëndetësisë, Armend Zemaj, ka bërë të ditur përmes një postimi në Facebook se sot ka pritur në takim të ngarkuarin me punë të Ambasadës së Japonisë, Mitsunori Ogasawar, të cilin e falënderoi për mbështetjen e vazhdueshme të shtetit japonez për Kosovën dhe ndihmën konkrete që ka ofruar gjatë kësaj kohe të pandemisë Covid-19.

“Me z. Mitsunori Ogasawar, i ngarkuar me punë të Ambasadën e Japonisë, bisedova rreth asistencës teknike që Japonia do t’i ofrojë Kosovës për t’u përballur me luftën kundër Covid-19. Ambasadori, Ogasawar njoftoi se ndër të tjera Japonia do të japë shumën financiare mbi 700,000 dollarë për sektorin e shëndetësisë në Kosovë dhe premtoi se edhe në të ardhmen do të vazhdojë ky bashkëpunim i afërt në mes të dy shteteve. E falënderova shtetin mik të Japonisë për mbështetjen vazhdueshme që ka dhënë për Kosovën gjatë këtyre viteve dhe veçanërisht gjatë kësaj kohe të pandemise”, shkruan Zemaj.