Në Maqedoni anulohet sezoni i futbollit

Federata e Futbollit të Maqedonisë ka vendosur për anulimin e sezonit 2019/2020 për të gjitha ligat vendase.

Pas një seance të jashtëzakonshme të Bordit të Drejtorëve të Federatës së Futbollit të Maqedonisë, duke u marrë parasysh situata e përgjithshme epidemiologjike dhe faktin se numri i të infektuarve me COVID-19 po rritet, ka marrë vendim për anulimin e sezonit futbollistik, përfshirë edhe garat në Kupën e Maqedonisë.

Në Maqedoni së fundi janë konfirmuar shumë raste të infektuar me COVID-19, përfshirë edhe lojtarë të Shkëndijës dhe Renovas, dhe lojtarët e këtyre të fundit janë dërguar në vetë-izolim për dy javë.

Një situatë e tillë e jashtëzakonshme, duke pasur parasysh se edhe masat e kufizimit të lëvizjes janë rikthyer në këtë, e kanë bërë të pamundur vazhdimin e kampionatit të futbollit

Federata e Futbollit të Maqedonisë po ashtu ka vendosur që sezonin 2019/2020 ta shpallë të pavlefshëm, duke mos i dhënë askujt titullin e kampionit.

Ky vendim do të prek drejtpërdrejt Vardarin, që po kryesonte në tabelë dhe ishte rrugës së mirë për t’u shpallur kampion, shkruajnë mediat shqiptare, përcjell albinfo.ch

---