Albulena Haxhiu nuk ia dorëzon detyrën ministrit të ri të Drejtësisë

Është bërë e ditur se ish-ministrja e Drejtësisë, Albulena Haxhiu, nuk do të marrë pjesë në ceremoninë e dorëzimit të detyrës së ministres.

Mospjesëmarrjen e saj për dorëzimin e detyrës te ministri i ri i Drejtësisë, Selim Selimi, e konfirmoi ish-shefi i kabinetit të Haxhiut, Blerim Sallahu.

“Albulena Haxhiu nuk do të marrë pjesë në ceremoninë e pranim-dorëzimit”, tha Sallahu.

Edhe Albin Kurti ishte deklaruar dje se nuk merr pjesë në dorëzimin e detyrës së kryeministrit.

Për kryeministrin e sapozgjedhur, Avdullah Hoti, Kurti ka thënë se “nuk do ta bëj pranim-dorëzimin sepse nuk mund ta pranoj atë që e shkarkova”, përcjell albinfo.ch.