Kosova

Haziri: Komunave iu ndalua të flasin me ambasada pa dijeninë e MPJ-së

E diel, 17 Maj 2020 - 12:18 albinfo.ch

Ilustrim

Kryetari i Gjilanit, Lutfi Haziri, lidhur me rastin tragjik të vdekjes së 26-vjeçarit Agon Musliu në Qendrën e Studentëve, e cila me vendim të qeverisë po shfrytëzohet për karantinim të të kthyerve nga Perëndimi, ka thënë se pas vdekjes tragjike të 26-vjeçarit në karantinë, qeveria u ka thënë se kryetarët e komunave nuk guxojnë të komunikojnë me ambasadat.

Po ashtu, ai ka treguar se në fillim komunat e kishin të ndaluar nga qeveria të flisnin edhe për pandeminë.

“Nuk kanë të drejtë të sillen ashtu. Nuk kanë të drejtë t’u thonë kryetarëve të komunave që nuk guxojnë të komunikojnë me ambasada. Kjo ka ardhë me shkrim në Gjilan.

Nga qeveria komunat nuk kanë të drejtë të flasin për Covid-19. Prej qeverisë ka ardhur. Në fillim e kanë nisur të mos flasin për pandemi, ne nuk kemi autorizime të flasim për pandemi…

“Zotëri Sveçla është frikacak në ushtrimin e detyrave, mshefet mas problemit dhe mundohet t’u ndjellë ndjekje të tjerëve, mundohet t’i arsyetojë lëshimet e tij”, ka thënë Haziri në Reporteri, përcjell albinfo.ch.