Ulrike Lunaçek jep dorëheqje

“Gjatë kësaj jave kam vënë re që pakënaqësia dhe zhgënjimi i shumë njerëzve në fushën e artit dhe kulturës nuk zvogëlohej. Përkundrazi. Nuk ishte vendim i lehtë. Por unë po jap dorëheqjen si Sekretare e Shtetit

Kritikat e shumta gjatë ditëve të fundit për menaxhimin jo të suksesshëm me koronavirusin, veçanërisht mos përmbushja e kushteve dhe premtimeve për artistët në Austri gjatë kësaj periudhës, kanë bërë që sekretarja e Shtetit për Kulturë dhe Artë në Austri, Ulrike Lunaçek të japë dorëheqje, raporton Albinfo Austria.

Ish-raportuesja për Kosovën në Parlamentin Europian, Ulrike Lunaçek, dorëheqjen e ka bërë të ditur përmes një postimi në Twitter,  duke thënë se ky vendim për të nuk ishte i lehtë.

“Gjatë kësaj jave kam vënë re që pakënaqësia dhe zhgënjimi i shumë njerëzve në fushën e artit dhe kulturës nuk zvogëlohej. Përkundrazi. Nuk ishte vendim i lehtë. Por unë po jap dorëheqjen si Sekretare e Shtetit. Edhe pse sot tërhiqem nga funksioni im: Unë jam dhe do të jem një person politik, një njeri i interesuar politikisht. Dhe unë do të vazhdoj të marr lirinë e përfshirjes në debate. Me këtë rast, ju uroj atyre gjitha të mirat dhe shumë guxim“, ka shkruar Lunaçek në twitter.

Sipas mediave austriake pasuese e Lunaçek do të jetë sërish një femër dhe po ashtu nga partia e gjelbër e Austrisë.

Ulrike Lunaçek nisi karrierën e saj politike më 1995 ndërsa në vitin 1999 ajo u bë anëtare e Këshillit Kombëtar, ku qëndroi deri më 2009 kur kaloi në Parlamentin Evropian, ku ishte zëvendëspresidente.

Lunaçek po ashtu ishte raportuese për Kosovën në Parlamentin Europian deri më 2017.

 

 

---