Lajme
Dita e parë pa asnjë të vdekur në Kantonin e Ticinos
Vetëm 3 veta në 24 orët e fundit kanë rezultuar pozitivë në testimet e bëra në këtë kanton. Maksimumi ka qenë 287 veta, më 27 mars
Për herë të parë që nga 14 Mars, në kantonin jugor të Zvicrës, në Ticino nuk është raportuar asnjë vdekje e re nga Covid-19. Infeksionet e reja të konfirmuara me koronavirus gjithashtu kanë rënë ndjeshëm: Vetëm 3 njerëz në 24 orët e fundit kanë rezultuar pozitivë në testimet e bëra për virusin në këtë kanton, shkruan sda.ch
Mëngjesi i të hënës ishte dyfish pozitiv për banorët e Ticino: pas më shumë se tetë javësh ata më në fund mund të pinë përsëri kafenë e tyre në bar, ashtu si dhe të gjithë zviceranët, transmeton albinfo.ch. Dhe për herë të parë brenda po kaq kohësh në këtë kanton nuk është regjistruar asnjë i vdekur nga koronavirusi. Kjo tregohet nga të dhënat e publikuara në faqen kryesore të Kantonit të Ticinos.
Siç dihet, kantoni jugor i Zvicrës, i cili kufizohet me regjionin italian më të prekur nga korona, Lombardinë, ka qenë vatra më e rrezikshme e virusit në Zvicër, shkruan albinfo.ch. Në Ticino më 10 mars, ka vdekur personi i parë në Zvicër nga pasojat e sëmundjes së mushkërive Covid-19.
Nga 14 marsi, numri i vdekjeve shkonte çdo ditë duke u rritur. Më 31 Mars, ekipi i krizës i kantonit pati raportuar 15 vdekje nga covid-19 brenda 24 orëve, që ishte numri më i lartë në përgjithësi. Ndërsa më 30 Mars dhe 1 Prill, 12 persona kishin vdekur nga efektet e sëmundjes virale, duke shënuar kështu fillimin e rënies së shifrave të të viktimave në këtë kanton.
Numri i përgjithshëm i të vdekurve nga koronavirusi në kanton është 340. Vetëm në kantonin Vaud ka më shumë viktima (389) por në raport me numrin e banorëve, Kantoni i Ticinos mbetet më i prekuri.
Sipas të dhënave të kantonit, nga 26 deri në 27 Mars, 287 persona qenë testuar pozitivisht që përbënte numrin më të madh të të infektuarve. Po u krahasua ky numër me atë të sotmin (vetëm 3 raste), bëhet e qartë se trendi i përmirësimit është i padyshimtë
Të ngjashme
Të tjera nga Lajme
E-Diaspora
-
Kryeministri i Kosovës sërish me thirrje për qytetarët e Kosovës dhe ata në diasporë që të regjistrohen Derisa procesi i regjistrimit të popullsisë në Kosovë ka hyrë në javën e fundit, kryeministri Albin...
-
ASK: Mbi 1.4 milionë qytetarë të regjistruar, mbi 400 mijë nga diaspora
-
Rama njofton për programin e veçantë për emigrantët që duan të investojnë në Shqipëri
-
400 mijë të regjistruar përmes platformës e-diaspora
-
Bizneset ekspozojnë produktet e tyre në “Panairi Lugina” në Zvicër
Jeta në Austri
-
Si po e bën Austria më të lehtë imigrimin e punonjësve të huaj shëndetësorë? Plakja e popullsisë së Austrisë dhe mungesa e punonjësve të kujdesit shëndetësor janë ndër sfidat kryesore...
-
A mund të blejnë të huajt prona në Austri?
-
A mund të marr nënshtetësinë austriake dhe të lëviz menjëherë jashtë vendit?
-
Kandidatja austriake për eurodeputete viziton Zubin Potokun
-
Kandidati për eurodeputet, Lukas Mandl vizitoi meshën shqipe në Vjenë