Bota
Oda Ekonomike gjermano-kosovare vazhdon bashkëpunimin me partner gjermanë
Përkundër situatës së krijuar nga pandemia, Oda Ekonomike Gjermano Kosovare (OEGJK) po angazhohet në vazhdimësi për të ndihmuar komunitetin e biznesit në vend dhe për të krijuar mundësi të reja bashkëpunimi me tregun gjerman.
23 kompani nga Kosova, anëtare të OEGJK-së, anëtare të Klusterit të Industrisë së Metaleve dhe Energjisë së Ripërtëritshme të Kosovës (KIMERK) dhe kompani të tjera, kanë shprehur interesimin e tyre për t’u bërë furnizues për tregun gjerman, duke aplikuar për takimet B2B (Biznes me Biznes), që do të mbahen më 7 dhe 8 shtator në Mannheim të Gjermanisë.
Konferenca VI ”Purchasing Initiative Western Balkans /BME Einkaufsinitiative Westbalkan”, organizohet nga Asociacioni Federal për Menaxhimin e Zinxhirit të furnizimit, Blerje dhe Logjistikë (BME) në bashkëpunim me Ministrinë Federale për Ekonomi dhe Energji dhe Odat Ekonomike Gjermane të Jashtme të Rajonit. Këtë vit, 48 kompani gjermane janë regjistruar, në cilësinë e blerësit, duke shprehur kështu interesimin e tyre për t’u furnizuar me produkte nga kompanitë e shteteve të Ballkanit Perëndimor, përfshirë këtu edhe kompanitë nga Kosova.
Ky vit shënon vitin IV që kompanitë kosovare nga industria e metalpërpunimit, industria e plastikës si dhe industria e automotivës/ elektronikës do të marrin pjesë në takime me blerës gjermanë, përcjell albinfo.ch.
Vlen të përmendet se vitin e kaluar, 3 kompani nga Kosova kanë marrë pjesë në këtë konferencë dhe janë zhvilluar gjithsej 700 takime B2B mes blerësve gjermanë dhe furnizuesve nga Ballkani Perëndimor, duke shënuar kështu vitin më të suksesshëm deri më tani.
Partner regjional në këtë organizim, OEGJK ka Odën e Jashtme Gjermane të Maqedonisë Veriore, kurse partner nacional ka Klasterin e Industrisë së Metaleve dhe Energjisë së Ripërtëritshme të Kosovës (KIMERK).
E-Diaspora
-
Puna në ajër të jep ndjenjën e paqes “Nuk ka asgjë më mirë se të mund të punoj në ajër. Kur kam kohë dhe...
-
Hapet në Toronto Java e Kulturës së Kosovës
-
Cyrih: Zhvillohet seminari “Institucionalizimi i mësimit plotësues të gjuhës shqipe në diasporë – Zvicër”
-
Paraqitet si kroat, me pasaportë false – burgoset muratori nga Kosova
-
Ka shantazhuar një të burgosur: 8 muaj shtesë për kosovarin e dënuar me 16.5 vjet burgim
Jeta në Austri
-
A do të kufizojë Hallstatt i Austrisë turizmin këtë sezon? Një nga fshatrat më të bukur dhe më të mbushur me njerëz të Austrisë po kërkon...
-
Planifikonte sulm në Graz të Austrisë, arrestohet 14-vjeçarja me origjinë nga Mali i Zi
-
A duhet të kryejnë shërbimin e detyrueshëm ushtarak të Austrisë personat me shtetësi të dyfishtë?
-
Rreth 350 biznese nga diaspora dhe Kosova u mblodhen në Prishtinë
-
Si po e ndryshon motin në Austri ngrohja globale?