Infermierja shqiptare tregon historinë e saj dhe situatën e krijuar në Itali

Doriana Ruko, infermiere shqiptare që punon në Itali, ka dhënë një intervistë për median italiane “La Gazzetta del Mezzogiorno”.

Infermierja 28-vjeçare shqiptare, Doriana Ruko, shpjegon pse iu përgjigj thirrjes së Mbrojtjes Civile për pesëqind infermierë nga Italia për urgjencën e CoVid-19: Italisë së bukur i jam mirënjohëse! Doriana nuk le pa përmendur edhe krenarinë e saj për Shqipërinë, përcjell albinfo.ch.

Babai i saj, Namiku, si shumë në vitet 90 emigroi në Itali për një jetë më të mirë për katër vajzat e tij të vogla, ku më pas Doriana iu përkushtua profesionit humanitar të infermieres.

“Unë deklaroj që nuk ishte një zgjedhje e thjeshtë, por jo edhe aq e vështirë. Për mua Italia është vendi më i bukur në botë, edhe pse jam krenare që jam shqiptar dhe ne shqiptarët jemi kaq krenarë dhe kurajozë. Unë e doja Italinë kur më dha mundësinë të kisha një të ardhme të përshtatshme profesionale dhe e dua edhe më shumë tani që ajo është në vështirësi të mëdha për shkak të koronavirusit ”, është shprehur Doriana.

Motivimi që 28-vjeçarja shqiptare Doriana Ruko kishte në  zemrën e saj kur vendosi të marrë pjesë në thirrjen e Mbrojtjes Civile për pesëqind infermierë nga e gjithë Italia për urgjencën e CoVid-19 është fisnike.

Një zgjedhje e përkryer në përputhje me atë që u bë nga Kryeministri shqiptar, Edi Rama, i cili dërgoi 30 persona të stafit mjekësor në Itali.

“Unë nxora forcën për këtë zgjedhje nga dashuria për burrin tim Giuseppe, i cili gjithmonë ka qenë forca ime më e madhe dhe nga familja ime”, tha Doriana.

Lindur në Fieri, një qytet i mrekullueshëm në Tokën e Shqiponjave dhe është diplomuar në Universitetin e Tiranës, ajo ka një histori.

Babai i saj, Namiku, si shumë në vitet ’90, emigron në Itali për t’u dhënë të ardhme katër vajzave të tij Armela dhe binjakët e tij Fiorela dhe Francesca.

Ata u rritën me nënën Mimoza me një frikë të tillë si në netët kur një zhurmë e vogël jashtë të bën të dridhesh.

Doriana shton se fillimisht ka punuar në Trani, me njerëz të moshuar që i pasuruan shpirtin jo vetëm, por gjithashtu kontribuan në nxitjen e pasionit  për kuzhinën italiane.

“Gjeta punë në Auxilium falë Ritës, e cila ishte menaxherja im me të cilën bëra intervistën time të parë dhe të cilës gjithmonë do t’i falënderoj që më dhanë mundësinë për të punuar me ta.

Unë hyra në shtëpitë e njerëzve, ashtu si çdo infermiere që punon në shtëpi dhe gjithmonë kam bërë çmos që të jap maksimumin në trajtimin jo vetëm të sëmundjes, por edhe personit”, ka thënë infermierja shqiptare.

“Kjo situatë globale e urgjencës po na mëson të njohim kufijtë tanë dhe të përballemi me frikën tonë.

Po na teston duke na lënë të heqim dorë nga dashuritë më të mëdha dhe pronat materiale që kemi. Sipërmarrësit heqin dorë nga fitimet e tyre, gjyshërit heqin dorë nga dashuria e nipërve të tyre, mjekët rrezikojnë jetën për të shpëtuar atë të të tjerëve.

Pranimi për ta vendosur veten në vijën e parë nuk ishte e vështirë pikërisht sepse e dua profesionin tim dhe gjithmonë përpiqem të ndihmoj ata ë kanë nevojë”, është shprehur Doriana.

Ajo do të japë kontribitin dhe mbështetjen për kolegët e saj që aktualisht janë të mbingarkuar me punë.

“Në këtë situatë ne të gjithë dhe duhet të bëjmë diçka dhe unë kam zgjedhur të bëj atë që bëj më së miri dhe kam më së shumti në zemër, të jap kontributin tim për të dalë sa më shpejt që të jetë e mundur”, ka thënë Doriana.

Ajo ka theksuar se të gjithë ne duhet të mbrohemi nga ky armik i padukshëm, duke përdorur në mënyrë korrekte të gjitha masat paraprake dhe pajisjet mbrojtëse personale, siç u tha gjerësisht nga Ministria e Shëndetësisë në javët e fundit, dhe të vazhdojmë të ruajmë distancën shoqërore.

“E di që nuk është një gjë e lehtë, por është e vetmja armë efektive që kemi. Faleminderit”, ka thënë Doriana në shqip.

---